Šachmatysta Mahnusa Karłsena dyskvalifikavali na čempijanacie śvietu za viernaść džynsam
Na čempijanacie śvietu pa chutkich šachmatach u Ńju-Jorku razhareŭsia skandał: były čempijon śvietu, narviežski šachmatyst Mahnus Karłsen byŭ dyskvalifikavany za parušeńnie dres-koda. Na druhi dzień turniru, 27 śniežnia, jon pryjšoŭ u džynsach, što zabaroniena praviłami Mižnarodnaj šachmatnaj fiederacyi (FIDE), piša Bild.
Paśla papiaredžańnia i štrafu ŭ 200 jeŭra Karłsen admoviŭsia pieraapranucca, i heta pryviało da jahonaha vyklučeńnia z turniru.
«Spadar Mahnus Karłsen parušyŭ dres-kod, heta kateharyčna zabaroniena dziejnymi praviłami praviadzieńnia hetaha mierapryjemstva», — padkreślivajecca ŭ aficyjnaj zajavie FIDE.
Zhodna z praviłami, mužčynam padčas turniru zabaroniena nasić džynsy, spartyŭny abutak, kiepki i soncaachoŭnyja akulary. Karłsen ža zajaviŭ, što płanavaŭ pamianiać vopratku na nastupny dzień, ale patrabavańni zrabić heta nieadkładna paličyŭ niespraviadlivymi.
«Ja skazaŭ, što pamianiaju vopratku zaŭtra. Arhanizatary zajavili, što heta pavinna adbycca ciapier. Dla mianie heta pytańnie pryncypu — i voś my tut. Ja zanadta stary, kab turbavacca pra heta. Kali jany chočuć dyskvalifikacyi, ja pajdu kudy-niebudź», — skazaŭ jon.
Na momant vyklučeńnia Karłsen užo adstavaŭ ad lidaraŭ na paŭtara ačka i mieŭ mała šancaŭ abaranić svoj tytuł. Eks-čempijon śvietu taksama admoviŭsia ad udziełu ŭ čempijanacie śvietu pa blicy.
Incydent vyklikaŭ paraŭnańni z rasijskim šachmatystam Janam Niapomniaščym, jaki niekali taksama parušyŭ dres-kod, źjaviŭšysia na turniry ŭ krasoŭkach. Adnak jon pahadziŭsia adrazu ž pamianiać abutak i praciahnuŭ udzieł u čempijanacie śvietu.
Braty-bliźniaty pryjšli pracavać u milicyju. Adzin ź ich pierapłyŭ raku i ŭciok ź Biełarusi, kab nie zajmacca palityčnymi spravami. Pahutaryli ź im1212
Kamientary
Nastaŭnik spadara Mahnuza, spadar Kašparaŭ, ŭžo raz byŭ raścierabušyŭ hetaha molacha, kali stvaryŭ i ažyviŭ PŠA
(Kašparaŭ tady byŭ prystojniejšy, jak ciapier, ale heta inšaja razmova)
Paźniej spadar Kramnik skleiŭ asklepki holema, jak lubić pachvalacca hety apantany lehist, - ab jadnaŭ šachmatny śviet [pad adnym bunčukom]
Spadar Kramnik i ciapier nakidajecca na altiernatyvy manapolii FIDE (hetaje nasłuhački 3 rajchu, sesesery i drabniejšych dziaržabak), naprykład stmiešna ckuje ČesKom praz toje, što nieadpaviedna sa spadara Kramnika žadańniami dukrycca z ašukancami.
Zrešty, cudoŭnyja anlajnplatformy i hedak źnieśli daŭno miartviackaidejnuju adnaasabovuju pryvilejnaść Fidy.
Ale spadar Karłsan heta sprabuje farmalizavać i viarnuć žyćcio nia tolki anlajn, ale i žyvym šachmatam. Hrošy znajšoŭ i pravadzićmie cikavy hledaču čempijanat śvietu pa šachmatach Fišara (inačaj abazvaŭ)
Spadziajusia, niekali laśnie i śvietavaja zdranćviełaja futbolnaja manapolija Fify