Padletak skłaŭ pierakład 759 staronak knihi j vykłaŭ ŭjaho ŭ sieciva ciaham usiaho niekalkich dzion paśla vychadu ŭ prodaž aryhinalnaj anhielskaj versii
U Francyi byŭ aryštavany padletak, jakoha padazrajuć u publikacyi ŭ siecivie jahonaha ŭłasnaha poŭnaha pierakładu apošniaj knihi pra Hary Potera.
Palicyja nie nazyvaje imia 16‑hadovaha žychara horadu Eks‑an‑Pravans (Aix‑en‑Provence) na poŭdni Francyi, jaki byŭ adpuščany na volu paśla aryštu. Tym nia mienš, jamu mohuć vystavić abvinavačańni ŭ parušeńni aŭtarskich pravoŭ.
Sajt, na jakim znachodziŭsia tekst, byŭ zakryty palicyjaj. Ciapier viadziecca raśśledavańnie.
Prakuratura horadu ćvierdzić, što padletak skłaŭ pierakład 759 staronak knihi j vykłaŭ jaho ŭ sieciva ciaham usiaho niekalkich dzion paśla vychadu ŭ prodaž aryhinalnaj anhielskaj versii 21 lipienia.
Pradstaŭnica aficyjnaha pierakładčyka knihi «Hary Poter i relikvii śmierci» Žana Fransua Menara (Jean-François Ménard) zajaviła, što jon jašče pracuje nad pierakładam, jaki musić pastupić u prodaž u Francyi tolki 26 kastryčnika.
Palicyja miarkuje, što nijakaj kamercyjnaj vyhady ad publikacyi pierakładu padletak nie atrymaŭ.
Nieaficyjnyja pierakłady, zroblenyja prychilnikami tvorčaści piśmieńnicy Džoan Roŭlinh (Joanne Rowling), źjavilisia i ŭ inšych krainach.
Siomaja, zaklučnaja častka sahi pra Hary Potera, stała samaj chutkapradavalnaj knihaj u historyi — za pieršyja 24 hadziny było pradadadziena 11 miljonaŭ anhłamoŭnych kopij.
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca17
23‑hadovy repier z Astraŭca zahinuŭ za Rasiju na vajnie. Pavajavaŭ jon, vidać, kala miesiaca
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ88
Kamientary