Polski Sejm: «Volny śviet nie zabudziecca na tych, chto vystupaje suprać ułasnaha narodu»
Siońnia polski Sejm adzinahałosna pryniaŭ dźvie ŭchvały ŭ spravie Biełarusi – u adnoj deputaty asudzili Alaksandra Łukašenku za apošnija represii suprać udzielnikaŭ mirnaj akcyii pratestu, a ŭ druhoj pryznali prezydenckija vybary falsyfikavanymi i zaklikali da praviadzieńnia paŭtornych vybaraŭ.
«Sejm Polščy ź vialikaj zaniepakojenaściu atrymlivaje ŭsio bolš infarmacyi pra represii suprać biełaruskaj demakratyčnaj apazycyi - siońnia ŭnačy bała ŭžytaja hrubaja siła suprać udzielnikaŭ mirnaj demanstracyi, jakija pratestavali suprać falsyfikacyjaŭ vynikaŭ vybaraŭ. Šmat ź ich źbityja, sotni aryštavanyja, u tym liku i hramadzianie Polščy. Hety žorstki krok čarhovy raz stavić pierad mižnarodnaj supolnaściu pytańnie ab parušeńniach pravoŭ čałavieka biełaruskimi ŭładami. My asudžajem zachady Allaksandra Łukašenki», - havorycca ŭ zajavie Sejmu.
Deputaty zapatrabavali ad polskaha ŭradu zrabić rašučyja zachady na karyść pašyreńnia na ŭvieś Eŭrapiejski źviaz sankcyjaŭ suprać biełarusich uładaŭ.
«Papiaredžvajem: volny śviet nie zabudzieca na tych, chto vystupaje suprać ułasnaha narodu. Abiacajem: volny śviet nie pakinie samotnymi biełarusaŭ, jakija cierpiać ad represijaŭ za baraćbu za pravy, jakija im naležać. Biełarusy, susiedzi, siabry – my z vami,» – havorycca ŭ zajavie.
U druhoj uchvale, jakaja taksama była pryniataja adzinahałosna, adznačačajecca, što Sejm, biaručy pad uvahu infarmacyju ad naziralnikaŭ ad ABSE, a taksama paviedamleńni medyjaŭ ab chadzie vybaraŭ, pryznaje hetyja vybary falsyfikavanymi.
«Maštaby parušeńnia demakratyčnych standartaŭ žachlivyja . Demakratyčnaja polskaja dziaržava, uśviedamlajučy masavaść parušeńniaŭ pravoŭ čałavieka i demakratyčnych praviłaŭ, nia moža pryznać, što minułyja vybary ŭ Biełarusi adlustroŭvali volu biełaruskaha narodu. My žadajem bratniamu biełaruskamu narodu chutkaj realizacyi maraŭ ab svabodzie. Sejm źviartajecca da ŭsich krainaŭ śvietu z zaklikam być salidarnymi i dapamahać biełaruskamu narodu, jaki zastajecca pad uciskam i namahajecca pakanać dyktaturu», - adznačajecca va ŭchvale polskaha Sejmu.
***************
Miž tym kiraŭnik deputackaj hrupy salidarnaści ź Biełaruśsiu polskaha Sejmu Robert Tyškievič tak prakamentavaŭ dla našaha radyjo apošnija padziei ŭ Miensku.
(Tyškievič: ) «Ja dumaju, što ŭrešcie pakazałasia praŭdzivaje abličča dyktatury Alaksandra Łukašenki. Tak jak my i dumali – režym užyŭ siłu ŭnačy, kali nie było žurnalistaŭ i kameraŭ, užyŭ siłu suprać nievialikaj hrupy ludziej, čyj pratest mieŭ vyklučna mirny charaktar. Polski Sejm užo adreahavazŭ na hetyja nieprymalnyja pavodziny biełaruskich uładaŭ, zaklikaŭšy ŭrad uzmacnić sankcyi suprać režymu Łukašenki».
Kamientary