U sudzie Pieršamajskaha rajona Mienska adbyŭsia čarhovy sud nad byłym palitviaźniem Uładzimiram Jaromienkam.
Administracyjnaja sprava ŭ dačynieńni da aktyvista «Maładoha frontu» za nibyta parušeńni ŭmoŭ previentyŭnaha nahladu razhladałasia ŭ 14.00 u sudzie Pieršamajskaha rajona Mienska.
Uładzimir Jaromienak nie prysutničaŭ na pracesie, bo nie byŭ prainfarmavany pra jaho zahadzia.
«Ja tudy prosta nie pajšoŭ, ja daviedaŭsia postfaktum pra toje, što siońnia pavinna była razhladacca sprava ab parušeńniach umoŭ previentyŭnaha nahladu. Navat nie viedaju pra jakija parušeńni idzie havorka. Tamu padrabiaznaściaŭ suda ja nie viedaju», - raspavioŭ były palitviazień.
Aktyvist adznačyŭ, što sudovy praces, jaki prajšoŭ bieź jaho prysutnaści, - heta parušeńnie jaho pravoŭ.
«Toje, što praces prajšoŭ biez majoj prysutnaści, - heta parušeńnie maich pravoŭ, u pryvatnaści, prava na abaronu. Ale pakul mnie naležnym čynam nie ŭručać pozvu - ja ŭ sud nie pajdu.
Kali ja ŭčora zachodziŭ u kryminalna-vykanaŭčuju inśpiekcyju, inśpiektar ničoha mnie nie skazaŭ pra toje, što siońnia budzie sud», - skazaŭ na zakančeńnie aktyvist.
Nahadajem, aktyvist «Maładoha frontu» Uładzimir Jaromienak u studzieni 2011 hoda byŭ aryštavany jak padazravany pa spravie «ab masavych biesparadkach». Byŭ asudžany na try hady.Adbyvaŭ pakarańnie ŭ kałonii pad Viciebskam. U žniŭni 2011 hoda ŭ liku inšych fihurantaŭ byŭ pamiłavany. Z tych časoŭ jašče niekalki razoŭ apyniaŭsia za kratami pa administracyjnych artykułach.
15 sakavika 2013 sud Pieršamajskaha rajona Mienska na 6 miesiacaŭ padoŭžyŭ previentyŭny nahlad u adnosinach da aktyvista, jaki byŭ ustanoŭleny hod nazad.
Asoba, za jakoj ustanoŭleny previentyŭny nahlad, abaviazanaja źjaŭlacca pa vyklikach u orhany ŭnutranych spraŭ i davać tłumačeńni pa pytańniach vykanańnia patrabavańniaŭ previentyŭnaha nahladu; papiaredzić orhan unutranych spraŭ ab źmienie miesca pracy i žycharstva; vyjazdžać za miežy rajona (horada) tolki sa zhody orhana ŭnutranych spraŭ . Pry hetym upaŭnavažanyja supracoŭniki mohuć prychodzić da takoj asoby ŭ luby čas sutak. Pry troch pravaparušeńniach pad previentyŭnym nahladam moža być raspačataja kryminalnaja sprava.
Ciapier čytajuć
Capkała i Bałkuniec atakavali litoŭskaha palityka, jaki dapamahaŭ biełarusam paśla 2020‑ha i spryčyniŭsia da spravy, jakuju zavioŭ prakuror u Haazie5353
Kamientary