Dniami telehram-kanał «Dzikaja pryroda pobač» atrymaŭ pryjemnuju navinu ad nastaŭnicy z Zaturjanskaj škoły Niaśvižskaha rajona Taćciany Michajłaŭny Chałopicy.
U vakolicach Zaturja znachodzicca adna z troch apošnich kałonij raboha suślika. Hety vid vymiraje nie tolki ŭ Biełarusi, ale i ŭ śviecie.
Raniej pryrodaabaroncy razam z Prahramaj raźvićcia AAN zrabili i paviesili stend pra suślika ŭ dźviuch škołach, jakija susiedničajuć z hetymi miłymi hryzunami. Viasnoj praviali brejn-rynhi i finał pamiž škołami na viedańnie akaličnaściaŭ bijałohii i historyi źviarka.
I niedaremna: siamikłaśnica Zaturjanskaj škoły Karyna Dziervie zaŭvažyła raboha suślika kala norki niedaloka ad škoły! Dziaŭčynka źniała jaho na fota i videa.
Kab dabracca da škoły, suśliku daviałosia prajści jak minimum 2 kiłamietry ad najbližejšaj viadomaj kałonii, prajšoŭšy mostam praz rečku-kanał: vady hetyja hryzuny nie lubiać.
Choć, mahčyma, heta «apošni mahikanin» ź inšaj źniščanaj traktarami nievialičkaj kałonii bližej da Zaturja jašče hady z 4 nazad. Kałoniju hetu pieradali pad achovu, ale miascovaja inśpiekcyja jaje nie manitoryła i nie źbierahła. Adnak ža i adtul nie mienš za kiłamietr da novaj łakacyi.
Ciapier čytajuć
Žančyny ŭ achovie i braniavany kartež. Jak Ukraina arhanizavała biaśpieku vizitu Cichanoŭskaj u Kijeŭ4
Kamientary