Milicyja papiaredžvaje: u Minsku adbyvajucca śpiecyfičnyja kradziažy
Minskaja milicyja zaniepakojenaja kvaternymi kradziažami, kali złačyncy pranikajuć u kvatery pad vyhladam prodažu pradmietaŭ bytu abo pad inšymi padstavami.
Z pačatku hoda ŭ Minsku ŭčyniena 14 takich kradziažoŭ. Schiemy ździajśnieńnia takich złačynstvaŭ majuć niekalki varyjacyj, adnak abjadnoŭvaje ich adno -- mietad padboru abjekta dla kradziažu.
Va ŭsich vypadkach u dzień ździajśnieńnia złačynstvaŭ žycharam padjezdaŭ, u jakich abkradajuć kvatery, nieviadomyja handlary prapanoŭvali roznyja bytavyja drobiazi.
Jak praviła, smuhlavyja žančyny ź ciomnym koleram vałasoŭ (mahčyma, pafarbavany ŭ inšyja kolery) abychodzili kvatery i prapanoŭvali žycharam nabyvać paścielnuju bializnu, ručniki, pradmiety žanočaj bializny, posud pa nizkim košcie.
Pryčym, jak miarkujuć supracoŭniki kryminalnaha vyšuku, taki handal źjaŭlajecca tolki prykryćciom dla praviadzieńnia h.zv. raźviedki pa vybary kvater dla kradziažoŭ. Sami kradziažy adbyvajucca ŭ zaležnaści ad abstavin.
Časam atrymoŭvajecca cicha vyciahnuć ź vitalni sumačku, barsietku, kašalok abo vierchniaje adzieńnie ŭ toj čas, jak haspadary, jakija pakinuli niezamknionymi dźviery, znachodziacca ŭ inšym pakoi abo na kuchni.Časam dźviery handlarkam adkryvali stareńkija haradžanie, da jakich hości ŭmieła ŭvachodzili ŭ davier i vykradali źbieražeńni, sabranyja na čorny dzień. Časam byli takija dźviarnyja zamki, jakija nieskładana było adčynić navat piłačkaj dla paznohciaŭ.
Na dniach supracoŭnikami kryminalnaha vyšuku Zavodskaha RUUS u mikrarajonie Čyžoŭka była zatrymanaja takaja paračka. 29-hadovaja i 22-hadovaja hości z Mahiloŭskaj vobłaści chadzili pa padjezdach na vulicy Ubareviča.Dźviery adnoj z kvater akazalisia niezamknionymi. Litaralna niekalki chvilin haściam spatrebiłasia, kab znajści miesca, dzie zachoŭvalisia hrošy i załatyja rečy. Haspadynia ŭ hety čas adpačyvała ŭ pakoi, jaje razbudziŭ tolki hrukat dźviarej, kali tyja začynilisia. Ubačyŭšy, što ździejśnieny kradziož, žančyna adrazu patelefanavała ŭ milicyju. Padazravanych udałosia chutka zatrymać. U chodzie asabistaha dahladu ŭ ich znajšli skradzienyja hrošy i załatyja juvielirnyja vyraby, a taksama vielmi śpiecyfičnuju płoskuju šruboŭku.
Paźniej było ŭstanoŭlena dačynieńnie zatrymanych da ździajśnieńnia ŭ hety ž dzień jašče adnaho kradziažu na susiedniaj vulicy Haładzieda -- tam było vykradziena piać juvielirnych rečaŭ.
Ciapier čytajuć
Žonka adhavorvała padpałkoŭnika DFR brać chabary, a toj kazaŭ: «Atrymaju pałkoŭnika — i na piensiju». Pieršaja piensija pryjšła ŭžo na aryštancki rachunak2020
Kamientary