Mienski haradzki sud pastanaviŭ nie zavodzić spravy suprać Vyšejšaj atestacyjnaj kamisii pavodle skarhi historyka Iryny Kaštalan.
Mienski haradzki sud pastanaviŭ nie zavodzić spravy suprać Vyšejšaj atestacyjnaj kamisii pavodle skarhi historyka Iryny Kaštalan. Spadarynia Kaštalan ličyć, što VAK nie zaćvierdziŭ jaje kandydackuju dysertacyju, pryśviečanuju peryjadu represij, z palityčnych pryčynaŭ.
Skarhu historyka Iryny Kaštalan u Mienskim haradzkim sudzie razhladali mieniej za 10 chvilin. U vyniku haradzkija sudździ pahadzilisia z rašeńniem Pieršamajskaha rajonnaha sudu, jaki raniej admoviŭsia adkryvać spravu suprać Vyšejšaj atestacyjnaj kamisii pavodle skarhi Iryny Kaštalan. Navukoŭca zajaviła Radyjo Svaboda, što nie čakała inšaha rašeńnia.
«Hetaja sytuacyja mnie pakazała, u jakim žachlivym stanoviščy znachodzicca histaryčnaja navuka. Nakolki ŭ nas historyki pastaŭlenyja na kaleni, jak jany dzielacca na prystasavancaŭ i nieskaronych».
Iryna Kaštalan napisała dysertacyju na temu «Štodzionnaje žyćcio biełaruskaha hramadztva ŭ 1944—53 hadach». U dysertacyi zakranajecca taksama j tema represij i vyžyvańnia ludziej u składanych ekanamičnych umovach pavajennaj Biełarusi. Jak ličyć Iryna Kaštalan, acenki hetaha peryjadu savieckich časoŭ nie supadajuć z navukovymi faktami. Ekspertnaja rada ŭ histaryčnych navukach dała na pracu admoŭnaje zaklučeńnie.
Sa słoŭ Iryny Kaštalan, čynoŭniki paličyli, što jana źniasłaviła savieckaje minułaje biełaruskaha narodu. Na hetaj padstavie prezydyjum Vyšejšaj atestacyjnaj kamisii taksama nie zaćvierdziŭ dysertacyi historyka. Iryna Kaštalan pasprabavała asprečyć rašeńnie prezydyjumu VAK u sudzie. Adnak Pieršamajski rajonny sud admoviŭsia zavodzić spravu: historyku zajavili, što sud navukovych sprečak nie razhladaje.
Miž tym, spadarynia Kaštalan nastojvaje, što prezydyjum VAK parušyŭ šerah norm, i tamu spravu varta razhladać u sudzie. Siońniašniaje rašeńnie Mienskaha haradzkoha sudu Iryna Kaštalan nazyvaje «čarhovaj sprobaj systemy abaranić siabie».
Historyk Alaksandar Hužałoŭski byŭ adnym z recenzentaŭ dysertacyi Iryny Kaštalan. U svajoj recenzii jon adznačaŭ i niedachopy pracy. Ale zbolšaha j jon zhodzien ź mierkavańniem, što dysertacyju «zarubili» z palityčnych pryčyn.
Biezumoŭna, ja liču, što heta vielmi surjoznaja i navatarskaja praca. Joju zroblena surjoznaja zajaŭka, ale ŭ jaje acency pieravažaŭ idealahičny aspekt».
Kamientary