19-hadovy Džachar Carnajeŭ, padazravany ŭ ździajśnieńni terakta ŭ Bostanie, akazaŭsia ŭciekačom z Kirhizii. Pra heta RIA Novosti paviedamili ŭ machačkalinskaj škole, dzie Carnajeŭ vučyŭsia ŭ 2001 hodzie ŭ pieršym kłasie. U 2002 hodzie jon źjechaŭ u ZŠA.
U svaju čarhu Associated Press sa spasyłkaj na svaje krynicy ŭ śledstvie paviedamlaje, što padazravanyja ŭ ździajśnieńni teraktaŭ u Bostanie 15 krasavika źjaŭlajucca hramadzianami Rasii, jakija pryjechali z paŭnočnakaŭkazskaha rehijonu pobač z Čečnioj.
Abodva mierkavanyja terarysty žyli ŭ ZŠA ŭžo bolš za hod.
Ananimnyja krynicy NBC News śćviardžajuć, što jany źjaŭlajucca bratami, a ŭ ZŠA pryjechali z Čečni.Adzin ź ich užo byŭ zabity ŭ pierastrełcy z palicyjaj. Pavodle CNN, u momant śmierci na im byŭ pojas terarysta-śmiarotnika.
Druhoha, pošuki jakoha ŭsio jašče praciahvajucca, pavodle źviestak ahienctva kličuć Džachar A. Carnajeŭ, jamu 19 hadoŭ.
Tym časam telekampanija CBS News paviedamlaje, što padazravanyja mohuć być jak rasijanami, tak i hramadzianami Turcyi, jakija pastajanna žyvuć u ZŠA.
Palicyja aficyjnych kamientaroŭ nakont hetaj infarmacyi pakul nie daje.
Kamientary