Sa svajoj pasady pajšoŭ rasiejski specyjalist Alaksandr Začosaŭ, jaki prapracavaŭ hałoŭnym treneram mahileŭskaha «Chimvałakna» krychu mieniej za dva miesiacy. Chutčej za ŭsio, pryčynaj sychodu staŭ adkryty list chakieistaŭ.
Sa svajoj pasady pajšoŭ rasiejski specyjalist Alaksandr Začosaŭ, jaki prapracavaŭ hałoŭnym treneram mahileŭskaha «Chimvałakna» krychu mieniej za dva miesiacy. Chutčej za ŭsio, pryčynaj sychodu staŭ adkryty list chakieistaŭ.
CHK «Chimvałakno» (Mahiloŭ)Nie paśpieŭ jašče skončycca Kubak Biełarusi, a ŭžo adbyłasia pieršaja adstaŭka. Sa svajoj pasady pajšoŭ rasiejski specyjalist Alaksandr Začosaŭ, jaki prapracavaŭ na pasadzie hałoŭnaha trenera mahileŭskaha «Chimvałakna» krychu mieniej za dva miesiacy. Chutčej za ŭsio pryčynaj hetaha staŭ adkryty list chakieistaŭ. U liście hulcy kazali pra «nieparazumieńnie z nastaŭnikam», prynamsi tak paviedamlaje šerah infarmacyjnych resursaŭ.
Sam, ciapier užo eks‑trener «Chimvałakna», tak prakamentavaŭ sytuacyju karespandentu «Presboła»:
«Dla vykanańnia pastaŭlenych surjoznych zadač treba było pravieści surjoznuju pracu. Pryjšłosia, što nazyvajecca, uziać kamandu ŭ abcuhi. Chakieisty mabyć paličyli, što z takim padychodam ja tolki sarvu raźbu, nakatali adkryty list na imia kiraŭnictva «Chimvałakna» z prośbaj prybrać mianie ad pasady. Što ž, jany damahlisia svajho. Z takim padychodam u čempijanacie jany zmohuć zaniać u lepšym vypadku šostaje miesca…»
Pa našaj infarmacyi, niekatoryja z hulcoŭ «Chimvałakna» byli niezadavolenyja prychodam u kamandu novaha‑staroha trenera jašče ź pieršych trenirovak. Pa ich słovach, nastaŭnik u znosinach ź imi apuściŭsia da pramych abrazaŭ, što niedapuščalna. Začosaŭ vielmi nehatyŭna vykazaŭsia nakont taho składu kamandy, jaki byŭ sfarmavany jašče da jahonaha prychodu ŭ kamandu. Nia vielmi pachvalnaja acenka była dadzienaja im i tym hulcam, jakija zastalisia ŭ kamandzie z 2003 hodu, kali Začosaŭ pryvioŭ mahiloŭskuju družynu da bronzavych medaloŭ. Maŭlaŭ, za čas pracy ź inšymi trenerami hetyja hulcy nie zrabili anivodnaha kroku napierad i navat stracili były ŭzrovień.
Zaraz abaviazki hałoŭnaha trenera «Chimvałakna» vykonvaje Siarhiej Usanaŭ, jaki pracavaŭ pamočnikam Alaksandra Začosava. Načalnik mahileŭskaj kamandy Ŭładzimier Rubanaŭ paviedamiŭ karespandentu BiełTA, što pytańnie pierajemnika budzie vyznačacca na nastupnym tydni, paśla viartańnia z vodpusku dyrektara klubu Alaksieja Minkina. Zaraz ža klub nie viadzie pošukaŭ novaha nastaŭnika.
Pad kiraŭnictvam Alaksandra Začosava «Chimvałakno» zhulała šeść matčaŭ u troch ź jakich dabiłasia pieramohi, a ŭ troch — prajhrała. Apošniuju pieramohu ź likam 6:3 chakieisty zavajavali ŭ sieradu ŭ hulni suprać haradzienskaha «Niemana», kali pytańnie ab adstaŭcy hałoŭnaha trenera było ŭžo vyrašanaje.
Ciapier čytajuć
Dziadok raskazaŭ, jak pavodziŭ by siabie ŭ siońniašniaj Biełarusi i što budzie dalej5
Kamientary