Na Radaŭnicu źmianiajecca arhanizacyja ruchu kala Paŭnočnych i Michanavickich mohiłak pad Minskam
Padčas masavaha naviedvańnia Paŭnočnych i Michanavickich mohiłak pad Minskam na Radaŭnicu, 14 maja, u metach paźbiahańnia zatoravych situacyj i dla zručnaści hramadzian arhanizacyja ruchu na prylehłych da ich učastkach aŭtadaroh budzie źmieniena.
Jak paviedamili va UUS Minskaha abłvykankama, na ŭčastku aŭtadarohi N-9031 Kałodziščy — Zasłaŭje, jaki prylahaje da Paŭnočnych mohiłak, z boku kalcavoha skryžavańnia z aŭtadarohaj R-58 Minsk — Kałačy — Miadzieł u napramku skryžavańnia z padjezdam da vioski Zabałaćcie budzie arhanizavany adnabakovy ruch z vyłučeńniem pałasy sustrečnaha napramku dla ruchu hramadskaha transpartu.
Transpartnyja srodki, jakija ruchajucca z boku transpartnaj raźviazki MKAD u vioscy Cna dla ŭjezdu na mohiłki, buduć nakiravany ŭ abjezd pa aŭtamabilnych darohach Dubaŭlany — Baraŭlany — Karaloŭ Stan i Minsk — Kałačy — Miadzieł. Takim čynam, padjezd da Paŭnočnych mohiłak budzie ažyćciaŭlacca ŭ adnabakovym režymie z boku aŭtadarohi R-58 Minsk — Kałačy — Miadzieł. Transpartnyja srodki naviedvalnikaŭ mohiłak u suviazi z adsutnaściu stajanak dastatkovaj umiaščalnaści buduć znachodzicca na pravaj abočynie aŭtadarohi Kałodziščy — 3asłaŭje ŭ peŭnych miescach, na isnujučych haściavych stajankach i terytoryi mohiłak.
Padjezd da Michanavickich mohiłak indyvidualnaha transpartu, jaki ruchajecca z boku Minska, budzie ažyćciaŭlacca pa aŭtadarozie Novy Dvor — Michanavičy — Piacieŭščyna praz pasiołak Michanavičy. Vyjezd z mohiłak budzie arhanizavany pa aŭtadarozie Asiejeŭka — Michanaviy i Smalavičy — Samachvałavičy — Nieharełaje. Transpart indyvidualnych uładalnikaŭ u suviazi z adsutnaściu dastatkovaj kolkaści miescaŭ na stajancy budzie raźmieščany na terytoryi mohiłak z ujezdam u asnoŭny prajezd i vyjezdam praz zapasnyja varoty ŭ kalcavym režymie.
U pieryjad zapaŭnieńnia razvarotnaj placoŭki aŭtobusami ŭjezd i vyjezd asabistaha transpartu hramadzian budzie ažyćciaŭlacca praz zapasnyja varoty.
Dziaržaŭtainśpiekcyja Minskaj vobłaści ŭ metach paźbiahańnia zatoravych i avaryjnych situacyj, vyklikanych masavym naviedvańniem mohiłak, pierakanaŭča prosić aŭtaŭładalnikaŭ pa mahčymaści naviedać miescy pachavańnia ŭ luby inšy zručny čas abo skarystacca pasłuhami hramadskaha transpartu.
Ciapier čytajuć
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram29
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi2424
Kamientary