Kažany zachapili staryja bastyjony Bieraściejskaj fartecyi amal adrazu, jak adtul syšli ludzi.
Hrupa bieraściejskich navukoŭcaŭ pieramahła ŭ konkursie Prahramy małych hrantaŭ Hlabalnaha ekalahičnaha fondu, jaki zabiaśpiečvaje PRAAN. Pahadnieńnie pra start prajektu «Zachavańnie najbujniejšaj u Eŭropie zimavalnaj kalonii rukakryłych u zakaźniku «Barbasteła» padpisali pradstaŭnica AAN u Biełarusi spadarynia Džychan Sułtanohłu dy staršynia Klejnikaŭskaha sielsavietu Jaŭhien Kačan. Prajekt raźličany da traŭnia 2008 hodu.
Kažany zachapili staryja bastyjony Bieraściejskaj fartecy amal adrazu, jak adtul syšli ludzi. Ale zakaźnik «Barbasteła» byŭ stvorany tolki siem hadoŭ tamu. I toje, na žal, zbolšaha na papiery. Bo na voknach i dźviarach padziamiellaŭ, dzie načujuć kažany, nie źjavilisia patrebnyja ŭ hetych vypadkach kraty. U vyniku nieviadomyja vandały dva hady tamu zaleźli ŭ pamiaškańni, ablili žyviołak salarkaj dy padpalili. Zahinuła 400 kažanoŭ… Voś tady navukoŭcy j pačali terminova šukać mahčymaść uratavać najbujniejšuju ŭ Eŭropie zimoŭku rukakryłych. Pa roznych acenkach, ad listapada da sakavika tut byvaje pad 3000 kažanoŭ. Jak miascovych, hetak i «imihrantaŭ» z Rasiei dy Polščy. Piać vidaŭ žyvioł zaniesiena ŭ Čyrvonuju knihu.
Na vyłučanyja hrošy planujecca pastavić zhadanyja ŭžo kraty, zabiaśpiečyć paiłki, adsutnaść skraźniakoŭ, a taksama stvaryć jak najbolš štučnych nišaŭ, kudy b kažany mahli chavacca j spać.
Pieršaja častka hrantu ŭžo pryjšła. Ale praź niejkija niezrazumiełaści atrymać jaho ŭ banku navukoŭcy nia mohuć… I vielmi pieražyvajuć, kab paśpieć da listapada — da pačatku najbujniejšaj u Eŭropie zimoŭki kažanoŭ.
Ciapier čytajuć
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»4
Kamientary