Mužčyny, jakija prymajuć apioidnyja abiazbolvalnyja srodki na 50% čaściej stanoviacca achviarami erektylnaj dysfunkcyi. Da takoj vysnovy pryjšli navukoŭcy z amierykanskaha Oregon Health & Science University.
Kali mužčyna rehularna prymaje abiazbolvalniki z hrupy apioidaŭ, to jon ryzykuje stać achviaraj erektylnaj dysfunkcyi. Amierykanskija navukoŭcy vyśvietlili, što stały pryjom apioidaŭ, u tym liku kadein, admoŭna adbivajecca na mužčynskich zdolnaściach. Tak, 19% pradstaŭnikoŭ mocnaha połu, jakija prymali značnyja dozy apioidaŭ na praciahu nie mienš čym čatyroch miesiacaŭ, paśla sutykalisia z prablemami ŭ łožku.
A ŭ kantrolnaj hrupie mužčyn, jakija nie prymali preparaty, kolkaść achviar erektylnaj dysfunkcyi skłała ŭsiaho 7%. Takim čynam, ryzyka pazbavicca sapraŭdnych radaściaŭ seksu pry pryjomie apioidaŭ pavialičvajecca na 50% u paraŭnańni z tymi, chto prymaje mienš mocnyja abiazbolvalnyja, albo nie prymaje nijakich lekaŭ.
U daśledavańni amierykanskich navukoŭcaŭ pryniali ŭdzieł 11 tysiač mužčyn, jakija pakutujuć ad chraničnych bolaŭ u śpinie. Taksama vyśvietliłasia, što mužčyny starejšyja za 60 hadoŭ značna čaściej stanoviacca achviarami erektylnaj dysfunkcyi, čym bolš maładyja.
Darečy, prablemy z erekcyjaj — heta nie adzinaja prablema apioidaŭ. Ich rehularny pryjom moža vyklikać narkatyčnuju zaležnaść, prablemy sa snom, źnižeńnie vytvorčaści harmonaŭ, a taksama pavialičyć ryzyku padzieńniaŭ i pierałomaŭ. Narešcie, isnuje vierahodnaść i śmiarotna niebiaśpiečnaj pieradaziroŭki.
Ciapier čytajuć
Zorka brejkdansu ź Viciebska atrymaŭ 11 hadoŭ turmy ŭ Kitai. Što zdaryłasia?10
Kamientary