Linava: Čym daŭžej litoŭskija fury znachodziacca na stajankach u Biełarusi, tym mienš metazhodnaje ich viartańnie
Prezident litoŭskaj asacyjacyi aŭtapieravozčykaŭ Linava Erłandas Mikienas paviedamiŭ, što ŭłady Biełarusi šukajuć sposaby aficyjna ŭzakonić zatrymańnie litoŭskich hruzavikoŭ i paŭpryčepaŭ u Minsku, piša LRT.
Bolš za try miesiacy tamu biełaruski bok nakiravaŭ litoŭskija fury na śpiecyjalnyja stajanki i da hetaha času nie vypuskaje ich. Pavodle Mikienasa, uładalniki transpartnych srodkaŭ atrymali listy ad kampanii «Biełmytservis», jakaja znachodzicca pad sankcyjami ES i kiruje hetymi stajankami.
U listach pieravozčykam prapanujecca padpisać damovy na apłatu stajanki praminułaj dataj — ź siaredziny listapada. Takim čynam, na dumku kiraŭnika Linava, biełaruskija struktury sprabujuć nadać zakonny vyhlad svaim dziejańniam, bo raniej nijakich damoŭ nie padpisvałasia, a technika była faktyčna źmieščanaja na stajanki prymusova.
Raniej pieravozčyki atrymlivali tolki rachunki za stajanku, ale ciapier im prapanujuć aficyjnyja damovy, u jakich paznačanyja sumy apłaty.
U niekatorych vypadkach hetyja sumy ŭžo ŭdvaja pieravyšajuć košt samich transpartnych srodkaŭ. Pieravozčyki admaŭlajucca padpisvać takija damovy. Mikienas adznačaje, što čym daŭžej fury znachodziacca na stajankach, tym mienš metazhodnym budzie ich viartańnie.
Situacyja mocna ŭdaryła pa kampanijach: častka ź ich užo nie moža vypłačvać padatki ŭ Litvie, a ich rachunki aryštoŭvajucca. Asabliva ciažka tym pradpryjemstvam, u jakich da 90 % aŭtaparku zatrymana ŭ Biełarusi. Ahulnyja straty, pavodle acenak, nabližajucca da 100 miljonaŭ jeŭra.
Niahledziačy na toje, što miaža farmalna adkrytaja, biełaruskija ŭłady nie vypuskajuć litoŭskija hruzavyja aŭtamabili z krainy. Za kožny hruzavik abo paŭpryčep naličvajecca płata sumaj 120 jeŭra na dzień, a paśla čatyroch miesiacaŭ stajanki ich pahražajuć kanfiskavać.
Linava płanuje źviarnucca pa dapamohu ŭ Jeŭrapiejskuju kamisiju, kab viarnuć zatrymanyja transpartnyja srodki i damahčysia kampiensacyi strat.
Pavodle apošnich danych asacyjacyi, u Minsku zatrymany 1071 transpartny srodak (575 paŭpryčepaŭ i 496 hruzavikoŭ). Adnak ahulnaja kolkaść litoŭskaj techniki, što znachodzicca ŭ Biełarusi, moža dasiahać kala 4 tysiač adzinak, ź jakich prykładna 1250 — heta hruzaviki.
«My całkam razumiejem, jakaja tam dziaržava». Litoŭskija pieravozčyki nie źbirajucca padavać pazovy ŭ biełaruskija sudy praz zatrymanyja fury
Litoŭskija pieravozčyki rychtujuć kalektyŭny pazoŭ suprać svajho ŭrada z-za zachrasłych u Biełarusi hruzavikoŭ
Litoŭskija pieravozčyki: Litoŭskija ciahačy pa-raniejšamu zabłakavanyja na placoŭkach u Biełarusi
Premjerka Litvy: ZŠA dapamahli vyrašyć prablemu ź mieteazondami
Ciapier čytajuć
«Dali 3600 rubloŭ štrafu». Na biełarusku napisaŭ palityčny danos chłopiec, ź jakim jana chadziła na spatkańni i jakoha złaviła na zdradzie29
Kamientary