Alesin: Admiena sankcyj — dalnabačny krok amierykancaŭ

Siońnia stała viadoma, što Złučanyja Štaty Amieryki vyrašyli nie praciahvać sankcyi ŭ dačynieńni da AAT «Biełaruskaje optyka-miechaničnaje abjadnańnie» (BiełOMA). Heta vynikaje ź infarmacyi, raźmieščanaj na sajcie Dziarždepartamienta.

Pradpryjemstva BiełOMA ŭtvoranaje na bazie Minskaha miechaničnaha zavoda imia Vaviłava. Śpiecyjalizujecca ŭ asnoŭnym na prycełach i pryborach naviadzieńnia, u pieršuju čarhu dla zbroi.

Za piać dzion da hetaha sankcyi byli admienyja suprać inšaha vajskovaha pradpryjemstva — «Biełtecheksparta». Što heta značyć, my vyrašyli papytacca ŭ vajskovaha ahladalnika Alaksandra Alesina.

Jurydyčnyja pazicyi pa ŭviadzieńni sankcyi suprać BiełOMA i „Biełtecheksparta“ byli vielmi słabyja. U asnoŭnym Biełaruś siońnia pradaje abstalavańnie dvajnoha pryznačeńnia, jakoje moža vykarystoŭvacca jak u vajskovych metach, tak i hramadzianskich.

Staruju savieckuju techniku my ŭžo amal usiu pradali.

Ciapier my zajmajemsia składanymi navukajomistymi prajektami. Naprykład, prahramami madernizacyi vajskovaj techniki. Heta ŭsio šeryja prajekty, ale takuju prahramu možna pravieźci ŭ lubym kiejsie, jaje składana znajści. Viadoma, što jość šmat śpiecyjalistaŭ biełaruskich, jakija pracujuć na madernizacyi zbroi ŭ trecich krainach. Časta dla hetaha navat kuplajucca detali na Zachadzie.

Amierykancy, dumaju, tak i nie zmahli znajści nijakich dokazaŭ. Pamiatajecie, nie tak daŭno čynoŭnik AAN prasiŭ prabačeńni ŭ biełaruskaha režymu za abvinavačvańni ŭ pastaŭkach vajskovych viertalotaŭ u Kot-dJIvuar.

Usio ž hetyja sankcyi byli nieefiektyŭnymi. Dumaju, što ich admiena — heta dalnabačny krok amierykancaŭ. Pry ŭmovie lehalnaści lahčej sačyć za hetymi kampanijami, lahčej złavić ich za ruku».

Sutnaść sankcyj zaklučajecca ŭ tym, što ŭradavyja viedamstvy ZŠA ciaham dvuch hadoŭ nie mahli nabyvać u nazvanych kampanij abo pastaŭlać im tavary i pasłuhi, a taksama akazvać im padtrymku.

Na siońnia sankcyi ZŠA dziejničajuć u dačynieńni «TM Servisiz», respublikanskaha navukova-pramysłovaha ŭnitarnaha pradpryjemstva KB «Radar», šerahu pradpryjemstvaŭ dziaržaŭnaha kancerna «Biełnaftachim», bankaŭ ź iranskim kapitałam, — ZAT «Onerbank» (ciapier — «Nord Jeŭrapiean Bank «) i «Bank handlovy kapitał».

• 0
• 0
• 0
• 0
• 0
• 0
• 0
• 0