U Breście adkryłasia vystava viadomaha rasijskaha mastaka Nikasa Safronava.Safronaŭ pryvioz u horad nad Buham 76 rabot na śvieckuju i relihijnuju temy. Karciny vystaŭleny ŭ mastackim muziei, jaki znachodzicca ŭ Paŭdniovych kazarmach Bresckaj krepaści, paviedamlaje Briestskaja hazieta.
Adnoj z rabot, jakaja najbolš zacikaviła hledačoŭ na adkryćci, staŭ partret Alaksandra Łukašenki. Mastak namalavaŭ biełaruskaha kiraŭnika ŭ kaściumie časoŭ Francyska Skaryny.
«Alaksandr Ryhoravič mnie śpiecyjalna nie paziravaŭ, u nas tolki jość damoŭlenaść. To bok, hetaja praca jašče budzie,- raspavioŭ na pres-kanfierencyi Nikas Safronaŭ. - Ja nie lublu fatahrafii i tym bolš malavać pa fatahrafii, ale jość zborny vobraz, jaki ja pasprabavaŭ uznavić».
Miž tym Jeŭraradyjo paviedamlaje, što partret Alaksandra Łukašenki źniali z vystavy.
Hubiernatar vobłaści Kanstancin Sumar asabista pavioz karcinu ŭ padarunak kiraŭniku krainy.
«Partret Łukašenki ŭ kaściumie Francyska Skaryny. Učora ž naš hubiernatar pavioz hetuju karcinu ŭ Minsk, padarunak prezidentu… Cikavaja karcina, adrazu pytańnie — čamu ŭ takim vobrazie. Ale nazva sama za siabie havoryć — u kaściumie Francyska Skaryny», — raskazvaŭ kiraŭnik filijała Bresckaha abłasnoha krajaznaŭčaha muzieja «Mastacki muziej» Vasil Hulajeŭ.
U muziei raskazvajuć, što adkryćcio vystavy karcin Nikasa Safronava vyklikała niezvyčajnuju ŭvahu siarod palityčnaj elity Bresta. Na im prysutničali «usie haliny ŭłady… vialiki bamond». Na žal, pabačyć niezvyčajny partret kiraŭnika Biełarusi ŭžo niemahčyma.
Što zapisana aficyjnaj pryčynaj śmierci adzinaha syna Jarmošynaj?9
Kamientary