Natali Kaściuška-Maryze prymie ŭdzieł u vybarčaj kampanii ŭ jakaści kandydata ŭ mery francuzskaj stalicy.
U paniadziełak, 3 červienia, jana vyjhrała prajmieryz svajoj partyi «Sajuz za narodny ruch». Jaje sapiernicaj na vybarach stanie kandydat ad Sacyjalistyčnaj partyi Ana Idalho. Abiedźvie žančyny majuć šancy vyjhrać vybary.
Natali Kaściuška-Maryze (Nathalie Kosciusko-Morizet) była ministram pry Nikala Sarkazi, a da hetaha — deputatam parłamienta.
Jana maje biełaruskija karani i pachodzić ź siamji ź vialikim palityčnym minułym. Daloki prodak Natali Kaściuški-Maryze byŭ bratam Tadevuša Kaściuški — kiraŭnika paŭstańnia 1794 h.
Dzied kandydata ŭ mery Paryža Žak Kaściuška byŭ pasłom Francyi ŭ ZŠA, pradzied Andre Maryze — sienataram, baćka, Fransua Kaściuška-Maryze źjaŭlajecca meram Sieŭra.
Natali Kaściuška-Maryze ad 2008 h. źjaŭlajecca meram horada Łanžumo, haradka niepadalok ad Paryža.
Pasada mera stalicy ličycca adnoj z samych važnych u Francyi. Ni razu za ŭsiu historyju Paryža hetu pasadu nie zajmała žančyna.
Heta pasada źjaviłasia tolki ŭ 1977 hodzie. Pieršym jaje zaniaŭ Žak Šyrak. Jon prabyŭ kiraŭnikom stalicy da 1995 hoda, kali staŭ prezidentam Francyi. Zaraz Paryžam kiruje Biertran Dełanae.
Vylecieła ŭ nieviadomym kirunku śpikierka KR Anžalika Mielnikava30
Kamientary