Patryjarch Maskoŭski i ŭsioj Rusi Kirył, a taksama kiraŭniki siami pamiesnych pravasłaŭnych cerkvaŭ prybyli viečaram u niadzielu na litarnym ciahniku ŭ Minsk dla ŭdziełu va ŭračystaściach z nahody 1025-hodździa Chryščeńnia Rusi.
Na ciahniku ŭ biełaruskuju stalicu dastaŭleny i kryž śviatoha apostała Andreja Pieršazvanaha. Ranicaj śviatyniu adviazuć na płošču kala Pałaca sportu, heta značyć da miesca liturhii, jakuju adpravić pad adkrytym niebam Patryjarch Maskoŭski razam z kiraŭnikami i pradstaŭnikami inšych pravasłaŭnych cerkvaŭ. Słužba pačniecca ŭ 09:30. Zaraz idzie Chresny chod.
Akramia taho, u rajonie na Zamčyščy projdzie cyrymonija zakładki pamiatnaj hramaty ŭ honar 1025-hodździa Chryščeńnia Rusi na miescy staražytnaha pravasłaŭnaha chrama Minska XI stahodździa.
Paśla hetaha ŭ 14:00 na Minskim zamčyščy adbudziecca śviatočny kancert, a ŭ 18:00 Patryjarch Kirył i inšyja hości stalicy ŭskładuć vianok da abieliska na płoščy Pieramohi. U 19:30 ŭračysty kancert u honar 1025 - hodździa Chryščeńnia Rusi projdzie i kala chrama-pomnika ŭ honar Usich śviatych. A 22:00, jak čakajecca, Patryjarch Kirył zavieršyć svoj vizit u Minsk. Razam z kiraŭnikami i delehacyjami inšych pamiesnych pravasłaŭnych cerkvaŭ jon źjedzie na ciahniku sa stancyi Minsk-Pasažyrski.
Jak čakajecca, na ŭračystaści ŭ Miensku pryjeduć bolš za 50 tys. pałomnikaŭ z usich dyjacezij BPC i susiednich krain.
Kamientary