U vioskach la śvinakompleksaŭ zabaranili trymać śviniej
Zhodna z pastanovaj Minsielhascharču, źniščać usich žyvioł u radyjusie piaci kiłamietraŭ ad pradpryjemstvaŭ.
«U radyŭsie nie mienš za 5 km ad kompleksaŭ zabaraniajecca ŭtrymańnie śviniej sialanskimi (fiermierskimi) haspadarkami i fizičnymi asobami, u tym liku indyvidualnymi pradprymalnikami», — śćviardžaje pastanova Ministerstva sielskaj haspadarki i charčavańnia «Ab uniasieńni dapaŭnieńniaŭ i źmianieńniaŭ u niekatoryja pastanovy Ministerstva sielskaj haspadarki i charčavańnia Respubliki Biełaruś» № 30, zaćvierdžanaja jašče 12 lipienia. U siłu pastanova ŭstupiła naprykancy minułaha tydnia.
Zhodna z dakumientam, śviniej nieabchodna likvidavać la ŭsich śvinakompleksaŭ niezaležna ad taho, jość tam ačah zachvorvańnia na śvinuju čumu albo niama.Nieabchodnaść źniščyć śviniej u čystych ad AČS rajonach tłumačycca «praviadzieńniem mierapryjemstvaŭ pa abmiežavańni raspaŭsiudu i źniščeńnia AČS u arhanizacyjach zakrytaha typu».
Jeŭraradyjo datelefanavadasia ŭ pasiołak Biełaviežski, što ŭ Bresckaj vobłaści. Tam raźmieščany vialiki śvinakompleks.
U sielsaviecie raskazvajuć, što ludziej zaklikali vyrazać śviniej na padvorkach, jašče nie majučy na rukach tekstu ministerskaj pastanovy.
Rabotnik sielsavieta: «Da
Jość i ŭpartyja sialanie. Takich u sielsaviecie źbirajucca «pierakonvać» piersanalna, adrasna dasyłajučy pastanovu Minsielhascharča.Na ciapierašni momant u Biełaviežskim i navakolnych vioskach zastałosia kala 80 śviniej. Ludzi ratujuć maładniak, vyvoziačy dalej ad śvinakompleksu.
Nahadajem taksama, što ŭ «Praviłach baraćby z afrykanskaj čumoj śviniej u Biełarusi», zaćvierdžanych pastanovaj Minsielhascharča № 84 ad 22 śniežnia 2008 hoda ab «prafiłaktyčnym» zaboi śviniej niama ni słova. Zhodna ź imi, žyvioł zabivajuć tolki pry vyjaŭleńni ačaha zachvorvańnia.
Ciapier čytajuć
Chłopca, jaki ŭ Lebiedzievaj chajaŭ Jeŭropu, asudzili za ŭdzieł u pratestach i ŭchileńnie ad vojska3
Kamientary