Uračystaje adkryćcio novaje haścinicy «Eŭropa», pabudavanaj na zahad Łukašenki adbyłosia. Užo za hadzinu ceły kvartał miž Internacyjanalnaj i praspektam byŭ ačepleny j vyzvaleny ad vypadkovych minakoŭ. Kamentuje Siarhiej Chareŭski.
Uračystaje adkryćcio novaje haścinicy «Eŭropa», pabudavanaj na zahad Łukašenki adbyłosia. Užo za hadzinu ceły kvartał miž Internacyjanalnaj i praspektam byŭ ačepleny j vyzvaleny ad vypadkovych minakoŭ. Tymčasam myć i paliravać chodniki j padłohi nie spyniali j za paŭhadziny da prybyćcia «vysokich haściej»…
Hlamurny navabud nijak nie stasujecca z navakolnaj zabudovaju. U zasieni novaha hmachu apynułasia j Kanservatoryja j nievialikija staraśvieckija budynki. Pastaŭleny novy dom na miescy Mienskaha haradzkoha teatru, dzie abyłasia premjera pieršaje nacyjanalnaje opery «Idylija». Staraśviecki budynak teatru źnieśli ŭ 1984 hodzie na zahad kamunistyčnaha kiraŭnictva BSSR. Ciapierašniaje kiraŭnictva praciahvaje hulni ź historyjaj. Kali fasad navabudoŭli vykanali ŭ duchu pseŭdahistaryčnaha kiču, to sa dvara jon vyhladaje lapidarnym šmatpaviarchovikam….
Pratatyp fasadu novaha hatelu mieŭ 6 pavierchaŭ, a nie 8 i stajaŭ za 150 metraŭ ad ciapierašianiaha. U carskija časy heta byŭ samy vialiki hatel u «Sieviero‑Zapadnom kraje».
Ciapierašniamu hatelu daloka da takoha maštabu… Choć pa koštach jon zaprasta moža pabić šamat rekordaŭ. Numary ŭ im buduć kaštavać ad 450 USD za noč.
Da haściej z takimi hrašyma tut budzie 67 numaroŭ. U haścinicy jość restaran, 5 baraŭ, 2 kanfierenc‑zali, načny klub, fitnes‑centar (z trenažornaj zalaj, basejnam, tureckaj łaźniaj), a taksama padziemnaja stajanka. Siońnia novy hatel prymie ŭdzielnikaŭ zamiežnych delehacyjaŭ, što pryjeduć na jubilej Miensku. Peŭna ž płacić jany buduć nie sa svajoj kišeni… Jak i 20 hadoŭ tamu. Jak hučna nie vymaŭlaj: «Eŭropa, Eŭropa…!», u rocie smačniej nia budzie.
Juraś Ziankovič raskazaŭ pra svajo vyzvaleńnie i šlach u ZŠA6
Kamientary