Pieršaja łedzi ZŠA Mišel Abama prapanavała hramadzianam krainy štodzień vypivać dadatkova šklanku vady, kab zmahacca z atłuścieńniem, pieradajuć zamiežnyja infarmahienctvy.
«Heta vielmi lohka. Picie na adnu šklanku vady bolš, čym vypivajecie zvyčajna. Roźnica adrazu adabjecca na zdaroŭi i ahulnym samaadčuvańni, na enierhii. Vypicie i pierakanajciesia sami», — havorycca ŭ jaje zajavie 12 vieraśnia.
«Ja zrazumieła, što kali my chočam zrabić usiaho adzin krok na šlachu da taho, kab stać zdaraviejšymi i dapamahčy ŭ hetym svaim siemjam, to praściej za ŭsio — pić bolš vady», — paviedamiła pieršaja łedzi ZŠA.
Pavodle jaje słoŭ, chutka jana płanuje dać start svajoj novaj kampanii Drink Up.
Heta pavinna adbycca ŭ horadzie Uotertaŭn u štacie Viskonsin, a padtrymaje ŭ hetym Mišel Abamu aktrysa Jeva Łanhoryja. U ramkach inicyjatyvy płanujecca, u pryvatnaści, nadrukavać zaklik Mišel Abamy na etykietkach butelek vady, a taksama na 10 tysiačach hramadskich pitnych fantančykach pa ŭsioj krainie.
Raniej Mišel Abama ŭ ramkach kampanii pad nazvaj Let's Move zaklikała amierykancaŭ bolš ruchacca.
Kampanija była nakiravana na azdaraŭleńnie školnikaŭ ZŠA i prapahandavała fizičnyja nahruzki, pravilnaje charčavańnie i zdarovy ład žyćcia.
Atłuścieńniem ŭ ZŠA pakutuje kožny treci darosły čałaviek i kožnaje piataje dzicia.
Ciapier čytajuć
Koŭł Łukašenku: Tabie treba być bolš aściarožnym, za stałom kiepskich pacanoŭ zastaŭsia adzin ty10
Kamientary