Ščaślivyja jany špacyrujuć pa viasnovym Minsku.
«My hulajem… )», — padpisała Maryna Adamovič zdymki, što apublikavała ŭ fejsbuku.
Pra vyzvaleńnie Mikoły Statkieviča stała viadoma 19 lutaha. 21 studzienia ŭ kałonii jon pieranios insult. U intervju LRT.lt Maryna Adamovič paviedamiła, što načalnik turemnaj balnicy joj skazaŭ, što jana moža zabrać Mikołu dadomu, kab jon praciahvaŭ adnaŭlacca ŭ chatnich umovach.
Ale palityk zastajecca biez pašparta i aficyjnych papier, što pieraškadžaje paŭnavartasnamu lačeńniu.
Mikoła Statkievič byŭ zatrymany 31 maja 2020 hoda, kali jechaŭ na mitynh Śviatłany Cichanoŭskaj na Kamaroŭku.
14 śniežnia 2021 hoda na zakrytym sudzie ŭ Homieli asudžany na 14 hadoŭ pazbaŭleńnia voli asablivaha režymu pavodle abvinavačańnia ŭ arhanizacyi masavych biesparadkaŭ.
11 vieraśnia 2025 hoda Statkieviča niečakana vyzvalili razam ź inšymi 51 palitviaźniami i chacieli prymusova vydvaryć u Litvu. Statkievič, adnak, admoviŭsia pierasiakać miažu i zastaŭsia na terytoryi Biełarusi. Paśla taho, jak jaho zabrali łukašenkaŭskija siłaviki, pra jahony los ničoha nie było viadoma.
Pobač z Łukašenkam na chakiei źjaviłasia novaja pryhažunia10
Kamientary
Jon ža zusim nie fotamadel, navošta vy heta robicie? Kab dadatkovy raz vyklikać žałaść?
Mnie zdajecca, što Mikałaj takoha dakładna nie zasłužyŭ. Jon mocny čałaviek.