Vyjšaŭ z druku paśmiarotny zbornik paezii haradzienskaha paeta Jurki Humieniuka — «Nazavi mianie hienijem». U knihu ŭvajšli ŭsie viadomyja na siońnia vieršy paeta, napisanyja z 1989 pa 2012 hh. Jurka Humianiuk zahinuŭ u studzieni 2013 h.
Kniha pabačyła śviet u sieryi «Haradzienskaja Biblijateka».
Ukłaŭ zbornik piśmieńnik Aleś Arkuš, blizki siabra Jurki Humieniuka. Kniha vyjšła dziakujučy achviaravańniam siabroŭ, kalehaŭ i prychilnikaŭ tvorčaści paeta.
Srodki ad realizacyi knihi pojduć na pomnik paetu, jaki pachavany na haradzienskich haradskich mohiłkach.
Prezientacyja knihi «Nazavi mianie hienijem» adbudziecca ŭ Hrodnie ŭ halerei «Kryha» u dzień naradžeńnia Jurki Humianiuka 24 vieraśnia.
Udzieł u viečarynie pamiaci paeta voźmuć haradzienskija litaratary. Pačatak a 18.00.
Jury Humianiuk naradziŭsia 24 vieraśnia 1969 h. u Hrodnie. Skončyŭ adździaleńnie pałanistyki HrDU, vučyŭsia ŭ aśpirantury. Pracavaŭ žurnalistam u hazietach «Pahonia» (1992, 1995–2001) i «Dień» (2004), Biełaruskim Radyjo Racyja, biełaruskaj słužbie «Polskie radio dla zagranicy»; zahadčykam litaraturnaj častki Haradzienskaha abłasnoha teatra lalek (1994–2000). Byŭ siarod zasnavalnikaŭ Tavarystva Volnych Litarataraŭ (1993), suredaktaram teveełaŭskaha časopisu «Kałośsie». Vydaŭ zborniki vieršaŭ «Vodar cieła» (1992), «Tvar Tutanchamona» (1994), «Rytuał» (1999), «Labirynty pryvidnaha zamku» (2000, u suaŭtarstvie), «Vulica tyhrovych archidejaŭ» (2003). Aŭtar pastaŭlenych u Haradzienskim teatry lalek pjesaŭ dla dziaciej «Bal u barona Miunchhaŭzena» (1993), «Tajamnica załatoha piarścionku» (1998), «Kaladnaje padarožža» (1999). Aŭtar niaskončanaha ramana «Apostały nirvany». Biełaruskija rok-hurty «Hrunvald», «Ajša» (Jungle X-mas), a taksama asobnyja vykanaŭcy stvaryli na teksty Juryja Humieniuka kala dvuch dziasiatkaŭ piesień.
Zahinuŭ (skončyŭ žyćcio samahubstvam) 19 studzienia 2013 hoda.
Anžalika Mielnikava paśla źniknieńnia nabyła dźvie kvatery ŭ Minsku90
Anžalika Mielnikava paśla źniknieńnia nabyła dźvie kvatery ŭ Minsku
«Ź piaci varyjantaŭ try kvatery zdavalisia tolki hramadzianam Biełarusi». Rasijanie pierajechali ŭ Homiel paśla ataki USU na Bransk — što ich dzivić?2323
Kamientary