Palešuki zrabili płyt z kanistraŭ i papłyli, potym płyt pačaŭ tanuć
Zdareńnie adbyłosia ŭčora na Dniaproŭska-Buhskim vadaschoviščy ŭ Kobrynskim rajonie.

54‑hadovy mužčyna sa starejšym tavaryšam pryjechali na vadaschovišča dla rybałki na samarobnym płycie. Jon byŭ zrobleny z draŭlanaha karkasa pamierami 2×2 mietry, źnizu zamacavany pustyja 20‑litrovyja kanistry.
Jany adpłyli na adlehłaść kala 50 mietraŭ, paśla čaho płyt razvaliŭsia, i mužčyny apynulisia ŭ vadzie, paviedamlaje Tavarystva vyratavańnia na vodach.
Starejšy siabra samastojna vybraŭsia z vady, a toj samy mužčyna, nie ŭmiejučy płavać, trymaŭsia za płyt i kanistru.
Tavaryš sprabavaŭ dapamahčy, kidajučy ź bieraha pustyja kanistry i płastykavyja butelki, adnak dapamahčy nie zmoh.
Rabotniki MNS na łodcy dastali mužčynu z vady na bierah i pieradali bryhadzie chutkaj miedycynskaj dapamohi, jakaja prybyła na miesca. U mužčyny ahulnaje pieraachaładžeńnie arhanizmu, abmaražeńnie abiedźviuch stupniaŭ i kiściej ruk.
Kamientary