15 i 19 listapada projduć stykavyja matčy jeŭrapiejskaj kvalifikacyi čempijanatu śvietu 2014. U hetyja ž dni niekatoryja zbornyja zapłanavali šerah tavaryskich sustrečaŭ.
Jak vyśvietliłasia, nacyjanalnaja zbornaja Biełarusi zhulaje ŭ hetyja dni z Ałbanijaj i Turcyjaj.
Pavodle hałoŭnaha treniera Hieorhija Kandraćjeva, matč z Ałbanijaj adbudziecca dakładna, z Turcyjaj — ź vierahodnaściu na 95%. Abodva matčy projduć u Turcyi.
«My nie padbirali ich [supiernikaŭ] pavodle jakoha-niebudź pryncypu, bo pakul nieviadoma, jakija kamandy trapiacca ŭ našu padhrupu ŭ jeŭrakvalifikacyi-2016 [losavańnie hrupaŭ u 2016]. Prosta mienavita hetyja zbornyja prapanavali nam zhulać, my i pahadzilisia», — skazaŭ Kandraćjeŭ u intervju football.by.
U apošnim rejtynhu FIFA zbornaja Turcyi zajmaje 40-je miesca, Ałbanija — 58-ja, Biełaruś — 83-ja.
U adboračnym turniry da čempijanatu śvietu — 2014 Biełaruś finišavała na apošnim 5-m miescy ŭ svajoj hrupie,
Turcyja ŭ adboračnym turniry — 2014 finišavała 4-j z 6-ci kamandaŭ (16 bałaŭ), prapuściŭšy napierad Hałandyju (28), Rumyniju (19), Vienhryju (17) i apiaredziŭšy Estoniju (7) i Andoru (0).
Ałbanija ŭ svajoj adboračnaj hrupie finišavała 5-j z šaści kamandaŭ (11 bałaŭ), apiaredziŭšy tolki Kipr (5 bałaŭ) i prapuściŭšy napierad Šviejcaryju (24), Isłandyju (17), Słavieniju (15), Narviehiju (12).
Ałbanija była supiernikam Biełarusi ŭ adboračnym turniry da Jeŭra-2012. Doma biełarusy vyjhrali 2:0, u haściach prajhrali — 0:1.
Ciapier čytajuć
Alaksandr Łukašenka tak lasnuŭsia na lod na chakiei, što trybuny zamierli VIDEA121
Alaksandr Łukašenka tak lasnuŭsia na lod na chakiei, što trybuny zamierli VIDEA
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher55
Kamientary