Deputaty pałaty pradstaŭnikoŭ 13 listapada pryniali ŭ pieršym čytańni papraŭki ŭ Pracoŭny kodeks, jakija praduhledžvajuć źmianieńnie paradku vyrašeńnia pracoŭnych sprečak.
U pryvatnaści, paviedamiŭ namieśnik ministra pracy i sacyjalnaj abarony Ihar Staravojtaŭ, zakonaprajekt daje prava členam prymirenčaj kamisii samastojna šlacham praviadzieńnia nieabchodnych kansultacyj z pradstaŭničym orhanam rabotnikaŭ, najmalnikam, ułaśnikam ci ŭpaŭnavažanym im orhanam urehulavać roznahałośsi.
Dakumient praduhledžvaje, što ŭ kožny orhan pa dobraachvotnym prymireńni, što stvarajecca na źmiešanaj asnovie, pavinien uvachodzić roŭny lik pradstaŭnikoŭ ad rabotadaŭcaŭ i rabotnikaŭ. Kali zhody ŭ prymirenčaj kamisii bakam kalektyŭnaj sprečki dasiahnuć nie atrymałasia, jany majuć prava źviarnucca pa dalejšy razhlad kalektyŭnaj pracoŭnaj sprečki da pasrednika ci ŭ pracoŭny arbitraž.
Zakonaprajektam vyznačana, što pracoŭny arbitraž źjaŭlajecca časova dziejnym orhanam, što stvarajecca pa pahadnieńni pamiž najmalnikam i rabotnikami ŭ asobie ich pradstaŭničych orhanaŭ. Ustanoŭleny peŭnyja patrabavańni da pracoŭnych arbitraŭ. Im moža być asoba, jakaja maje, jak praviła, vyšejšuju jurydyčnuju ci ekanamičnuju adukacyju i vopyt pracy pa śpiecyjalnaści nie mienš jak piać hadoŭ.
Čynoŭniki prahavarylisia, što ŭ Biełarusi zastałosia tolki 8,8 miljona čałaviek? Heta niapravilnaja vysnova7
Kamientary