Śpiecnaz zachapiŭ apošnija barykady va Uradavym kvartale Kijeva — chronika padziej nočy
09:10
Aktyvistaŭ u Vasilkovie razahnali, 15 aŭtobusaŭ sa śpiecnazam ruchajucca ŭ Kijeŭ
Siońnia, 10 śniežnia, u Vasilkovie pad Kijevam była vielmi napružanaja situacyja. Kala 300 milicyjantaŭ razahnali mitynhoŭcaŭ, jakija błakavali pravaachoŭnikaŭ na terytoryi aeradynamičnaha vučylišča.
Ciapier kala 15 aŭtobusaŭ z pravaachoŭnikami ruchajucca ŭ kirunku Kijeva. Nahadajem, anałahičnaja situacyja była napiaredadni. Niekalkim mašynam z pravaachoŭnikami ŭdałosia prarvać barykadu aktyvistaŭ i źjechać da Kijeva. Pavodle roznych źviestak, u stalicu pryjechała ad 10 da 15 mašyn, paviedamlaje UNIAN.
05:50
Kijeŭskaja haradskaja administracyja a 5:50 ranicy aŭtorka
05:38
U Kijeŭskaj radzie jość śviatło, tut hrejucca žurnalisty i toj, chto pryjšoŭ z barykadaŭ, paviedamlajuć žurnalisty Našaj Nivy.
Ludzi razychodziacca pa pierymietry, uładžvajucca na načleh.
Takim čynam: u rukach mitynhoŭcaŭ zastalisia — Majdan i dva budynki: Kijeŭskaja haradskaja hramadskaja rada i Pałac prafsajuzaŭ, dzie znachodzicca Štab supracivu.
Uradavy kvartał (Viarchoŭnaja Rada i Administracyja prezidenta) razbłakavanyja.
Vyhladaje na toje, što ŭsie čakajuć ranicy. Pavinny być niejkija kroki jak ad apazicyi, tak i ad uładaŭ.
05:36
U supraćstajańni ź milicyjaj na Luteranskaj paciarpieli 10 čałaviek — Ciahnibok
Lidar Usieŭkrainskaha abjadnańnia «Svaboda» Aleh Ciahnibok zajaŭlaje, što padčas demantažu milicyjaj barykady apazicyjanieraŭ na skryžavańni vulic Luteranskaj i Bankavaja niepadalok ad budynka Administracyi prezidenta Ukrainy paciarpieli partyjnyja aktyvisty.
«Jość achviary z našaha boku, jość ludzi z raźbitymi hałovami. Ja nie mahu zaraz skazać dakładnuju kolkaść, ale, prynamsi, takich čałaviek dziesiać», — skazaŭ jon sa sceny na Majdanie Niezaležnaści, paviedamlaje Interfaks-Ukraina.
05:35
Na Majdanie ŭsio spakojna, na scenie vystupaje Rusłana
U łahiery mitynhoŭcaŭ na Majdanie Niezaležnaści ŭ Kijevie abstanoŭka ŭnačy ŭ aŭtorak spakojnaja.
Jak pieradaje karespandent ahienctva «Interfaks-Ukraina», u ciapierašni čas na płoščy znachodzicca niekalki sotniaŭ čałaviek.
Na scenie praciahvajecca kancert. Prysutnym śpiavaje Rusłana Łyžyčka — pieramožca «Jeŭrabačańnia».
Achova, patruluje barykady łahiera, a taksama ŭsie ŭvachody i vychady. Mitynhoŭcy taksama pierakryli ŭvachody ŭ padziemny pierachod stancyi mietro «Majdan Niezaležnaści».
Častka mitynhoŭcaŭ načuje ŭ Domie prafsajuzaŭ, dzie znachodzicca Štab nacyjanalnaha supracivu.
05:33
Sud zabaraniŭ mitynhoŭcam błakavać darohi ŭ centry Kijeva
U milicyi zapeŭnivajuć: hrubych parušeńniaŭ hramadskaha paradku nie zafiksavana, a mierapryjemstvy pravodziacca vyklučna pa rašeńni Akruhovaha administracyjnaha suda stalicy.
Pra heta paviedamiŭ načalnik upraŭleńnia masavych i spartyŭnych mierapryjemstvaŭ Departamienta hramadskaj biaśpieki MUS Ukrainy Aleh Maćviajcoŭ, pieradaje pres-słužba viedamstva. Pavodle jaho słoŭ, siońnia pryniata sudovaje rašeńnie ab razbłakavańni prajeznych častak u centralnaj častcy Kijeva.
05:25
Barykada kala Kijeŭskaj haradskoj administracyi. Mitynhoŭščyki abahravajuć sałdataŭ unutranych vojsk, paviedamlajuć z Kijeva Iryna Arachoŭskaja i Hanna Badziaka.
05:07
Taksama prysutnyja narakajuć, što ŭ centry Kijeva padvis Interniet. Pieryjadyčna nie hruziacca asnoŭnyja ŭkrainskija sajty navinaŭ.
Pavodle Hromadśkie TV, padčas ciskaniny na Luteranskaj paciarpieli 10 čałaviek.
Miechanizm načnoj začystki byŭ taki: śpiecnaz adciaśniaje ludziej, jakija pikietujuć barykady, za karotki čas kamunalščyki i ludzi ŭ cyvilnym raźbirajuć barykadu, potym pierachodziać da novaj barykady.
05:00
Paciarpieły Mikoła, jaho źbili dubinkami.
04:55
«Bierkut» razahnaŭ pratestoŭcaŭ na Luteranskaj i Bankavaj i źniščyŭ namiotavy haradok
Bajcy śpiecpadraździaleńnia «Bierkut» i milicyja źniščyli błakpost udzielnikaŭ akcyi pratestu na rahu vulic Luteranskaj i Bankavaja ŭ Kijevie.
U šerahi mitynhoŭcaŭ pranikli pravakatary, jakija machali pałkami i pyrsnuli ŭ bok pravaachoŭnikaŭ ślezaciečny haz. Pravaachoŭniki ščytami adcisnuli mitynhoŭcaŭ z błokpasta ŭ bok barykadaŭ.
Namiotavy haradok mitynhoŭcaŭ na Luteranskaj źniščany.
Jak paviedamlaje «Radyjo Svaboda», siłaviki, jakija pryjšli na vuhał Luteranskaj i Bankavaj, pieršapačatkova spačatku byli pasiŭnymi. U VA «Svaboda» paviedamlali, što niekalki deputataŭ ad Partyi rehijonaŭ, jakija pryjšli da błakpost, zaklikali ich viarnucca na Majdan Niezaležnaści.
Adnak narodny deputat frakcyi «Svaboda» Andrej Illenka zaklikaŭ tych, chto sabraŭsia nie adstupać. Paśla hetaha siłaviki pajšli ŭ nastup.
04:15
Unačy ŭ Kijevie śpiecnaz staŭ ačyščać vulicy Kijeva ad demanstrantaŭ.
Spačatku na rahu vulicy Hrušeŭskaha i Krapasnoha zavułka kala 2:00 nočy (pa Minsku) pačałasia začystka barykady milicyjaj, pa heta paviedamiŭ deputat Andrej Šaŭčenka. «Milicyja dziejničała žorstka, bili ludziej, heta ŭsio zdymali kamiery», — skazaŭ jon Ukrainskaj praŭdzie.
«Paźbiehnuć razhonu nie dapamahła prysutnaść ni Jacaniuka, ni Martynienki», — dadaŭ deputat. «Śpiecnaz razrezaŭ łahier na dva i krok za krokam, prasoŭvaŭsia napierad», — dadaŭ Šaŭčenka.
U 02:30 pačałasia začystka Bankavaj. Na Hrušeŭskaha razahnali pałatačny haradok, u Kijeŭskaj haradskoj administracyi (meryi) adklučyli śviatło.
Na Luteranskaj (tut zaraz znachodziacca žurnalisty «NN») z usich bakoŭ akružyli barykadu, ludzi sabralisia zzadu śpiecnazu.
Podpis da fota: a 4-j ranicy na Luteranskaj
Byŭ razabrany namiotavy haradok kala Doma aficeraŭ, chto byŭ im, skiravaŭsia na Majdan.
Ciapier čytajuć
Babaryka pra siabie ŭ 2020-m: Heta nie naiŭnaść. Nie dumaju, što takoha kryvažernaha scenara niechta čakaŭ17
Kamientary