Łukašenka padpisaŭ ukaz ab paradku pieravodu dziaržaŭnaha žylla ŭ arendnaje
Alaksandr Łukašenka padpisaŭ ukaz № 563 «Ab niekatorych pytańniach pravavoha rehulavańnia žyllovych adnosin», jaki praduhledžvaje farmiravańnie fondu žyłych pamiaškańniaŭ kamiercyjnaha vykarystańnia (arendnaje žyllo) šlacham pieravodu dziaržaŭnaha žylla ŭ arendnaje.
Jak paviedamlaje pres-słužba, ukazam praduhledžvajecca źmiena składu dziaržaŭnaha žyllovaha fondu za košt pieravodu słužbovych, śpiecyjalnych słužbovych, asobnych vidaŭ sacyjalnych kvater i asobnych vidaŭ śpiecyjalnych žyłych pamiaškańniaŭ u arendnaje žyllo. U dziaržaŭnym žyllovym fondzie zastajucca žyłyja pamiaškańni sacyjalnaha karystańnia, śpiecyjalnyja žyłyja pamiaškańni, žyłyja pamiaškańni kamiercyjnaha vykarystańnia i žyłyja pamiaškańni ŭ internatach.
U častcy farmiravańnia fondu pamiaškańniaŭ kamiercyjnaha vykarystańnia i vydzialeńnia takich pamiaškańniaŭ praduhledžvajecca pieravod da 1 krasavika 2014 hoda ŭ fond pamiaškańniaŭ kamiercyjnaha vykarystańnia zasielenych słužbovych, śpiecyjalnych słužbovych žyłych pamiaškańniaŭ, niekatorych vidaŭ śpiecyjalnych žyłych pamiaškańniaŭ.
Žyłyja pamiaškańni dziaržaŭnaha žyllovaha fondu, nie pryvatyzavanyja hramadzianami, buduć pieraviedzieny ŭ kamiercyjnaje žyllo paśla 1 lipienia 2016 hoda. Da hetaj daty hramadzianie zmohuć skarystacca pravam na pryvatyzacyju. Paśla nazvanaj daty pryvatyzacyja spyniajecca.
Ustanaŭlivajecca pieralik katehoryj hramadzian, jakija majuć pieršačarhovaje prava na atrymańnie kamiercyjnaha žylla kamunalnaha žyllovaha fondu na pieryjad pracoŭnych (słužbovych) adnosin.
Da ich adnosiacca dziaržaŭnyja słužačyja, jakija zajmajuć pasady, što dajuć prava na atrymańnie žyłych pamiaškańniaŭ, pavodle pieraliku, vyznačanamu prezidentam Biełarusi (ukaz № 286 ad 19 maja 1999 hoda ), a taksama sudździ i prakurorskija rabotniki; maładyja śpiecyjalisty; rabotniki arhanizacyj, raźmieščanych na terytoryjach z uzroŭniem radyjeaktyŭnaha zabrudžvańnia bolš jak 5 Ki/kv. km i pryraŭnavanych da ich terytoryj; vajennasłužačyja; rabotniki ŭ vypadku ich pierajezdu ŭ inšy nasieleny punkt pry pryznačeńni na pasadu, pieravodzie ad adnaho najmalnika da druhoha; vučonyja, prafiesarska-vykładčycki skład vyšejšych navučalnych ustanoŭ, rabotniki arhanizacyj kultury; katehoryi asob, vyznačanyja Savietam ministraŭ pavodle ŭzhadnieńnia z prezidentam.
Kolkaść kvater, što vydzialajucca ŭkazanym asobam, nie pavinna pieravyšać 40% ad usioj kolkaści fondu kamiercyjnaha žylla kamunalnaha žyllovaha fondu.
Astatnija 60% kvater buduć vydzialacca hramadzianam, jakija majuć patrebu ŭ palapšeńni žyllovych umoŭ, a pry ich adsutnaści — hramadzianam, jakija nie znachodziacca na ŭliku dla palapšeńnia žyllovych umoŭ.
Rašeńni pa ŭkazanych žyłych pamiaškańniach kamunalnaha žyllovaha fondu prymajucca miascovymi vykanaŭčymi i rasparadčymi orhanami.
Kamiercyjnaje žyllo respublikanskaha žyllovaha fondu budzie vydzialacca rabotnikam, što stajać na ŭliku ŭ arhanizacyi, u padparadkavańni jakoj znachodzicca taki fond, z mahčymaściu samastojnaha vyznačeńnia hetymi arhanizacyjami katehoryj, što majuć pieršačarhovaje prava na atrymańnie arendnaha žylla.
Na ahulnych padstavach płata za karystańnie kamiercyjnym žyllom budzie vyznačacca zychodziačy z pamieru bazavaj staŭki płaty za karystańnie takim žyllom, jakaja ŭstanaŭlivajecca Savietam ministraŭ, z prymianieńniem kaeficyjentaŭ, vyznačanych abłvykankamami i Minskim harvykankamam u zaležnaści ad stupieni dobraŭparadkavańnia i miesca znachodžańnia žyłych pamiaškańniaŭ.
Pamier płaty za karystańnie kamiercyjnym žyllom, što ŭklučana ŭ fond takoha žylla ź liku zasielenych słužbovych, śpiecyjalnych słužbovych žyłych pamiaškańniaŭ, niekatorych vidaŭ śpiecyjalnych žyłych pamiaškańniaŭ, a taksama dla hramadzian, jakija majuć pieršačarhovaje prava na atrymańnie kamiercyjnaha žylla, budzie vyznačacca šlacham prymianieńnia ŭstanoŭlenych abłvykankamami i Minskim harvykankamam (pavodle ŭzhadnieńnia ź Minžyłkamhasam) panižalnych kaeficyjentaŭ.
Ustanaŭlivajecca mahčymaść paśla zaviaršeńnia pryvatyzacyi (1 lipienia 2016 hoda) na padstavie zajavy najmalnika kamiercyjnaha žylla, jaki adnosicca da asob, što majuć prava na atrymańnie žyłoha pamiaškańnia sacyjalnaha karystańnia, pieravieści zaniataje im arendnaje žyllo ŭ skład žyłych pamiaškańniaŭ sacyjalnaha karystańnia. U vypadku takoha pieravodu najmalnik nie budzie ŭnosić płatu za karystańnie žyłym pamiaškańniem.
Uparadkoŭvajucca padstavy i ŭmovy pastanoŭki na ŭlik hramadzian, jakija majuć patrebu ŭ palapšeńni žyllovych umoŭ. Tak, pastanoŭka maładych siemjaŭ na ŭlik dla palapšeńnia žyllovych umoŭ budzie ažyćciaŭlacca niezaležna ad zabiaśpiečanaści płoščaj žyłoha pamiaškańnia pry ŭmovie adsutnaści ŭ ich ułasnaha žylla ci žylla, vydzielenaha na padstavie dahavora najmu žyłoha pamiaškańnia dziaržaŭnaha žyllovaha fondu. Ale prava na atrymańnie lhotnaha kredytu ci subsidyi na budaŭnictva i nabyćcio žylla jany nie majuć, adnak mohuć pretendavać na ŭdzieł u budaŭnictvie kamiercyjnaha žylla, jakoje ŭzvodzicca kamunalnymi budaŭničymi arhanizacyjami z abmiežavanaj rentabielnaściu (5%).
Praduhledžvajucca abmiežavańni ŭ pastanoŭcy na ŭlik hramadzian, jakija majuć patrebu ŭ palapšeńni žyllovych umoŭ, i padstavy dla źniaćcia z takoha ŭliku ŭ dačynieńni da hramadzian, zarehistravanych pa miescy žycharstva ŭ internatach, žyłych pamiaškańniach pryvatnaha žyllovaha fondu na padstavie dahavora najmu žyłoha pamiaškańnia, u jakich jany faktyčna nie pražyvajuć.
Heta taksama tyčycca tych, chto skarystaŭsia dziaržpadtrymkaj pry budaŭnictvie (rekanstrukcyi) ci nabyćci žyłych pamiaškańniaŭ na praciahu piaci hadoŭ (za vyklučeńniem pavieličeńnia składu siamji ŭ suviazi z naradžeńniem (usynaŭleńniem, udačareńniem) dziaciej, a taksama vajennasłužačych u vypadku pierajezdu ź inšaha nasielenaha punkta pry pryznačeńni na pasadu).
Atrymańnie kamiercyjnaha žylla budzie źjaŭlacca formaj palapšeńnia žyllovych umoŭ, za vyklučeńniem vydzialeńnia takoha žylla na pieryjad pracoŭnych (słužbovych) adnosin. Hramadzianie, jakim vydzialajecca kamiercyjnaje žyllo, zdymajucca z čarhi dla palapšeńnia žyllovych umoŭ.
Hramadzianie, jakija prybyli ŭ Minsk ci nasielenyja punkty Minskaha rajona ź inšych nasielenych punktaŭ i pryznačanyja (abranyja) na pasady, uklučanyja ŭ pieralik, vyznačany Saŭminam pavodle ŭzhadnieńnia z prezidentam, stanoviacca na ŭlik dla palapšeńnia žyllovych umoŭ pa miescy pracy (słužby) biez uliku časavych abmiežavańniaŭ, praduhledžanych dla pastanoŭki na taki ŭlik u Minsku (10 hadoŭ) i nasielenych punktach Minskaha rajona (piać hadoŭ).
Dakumientam zamacoŭvajucca bazavyja pryncypy pastanoŭki hramadzian na ŭlik dla palapšeńnia žyllovych umoŭ i vydzialeńnia žyłych pamiaškańniaŭ dziaržaŭnaha žyllovaha fondu. «Uličvajučy śpiecyfiku i asablivaści sacyjalna-pravavych harantyj dla asobnych katehoryj asob (vajennasłužačych, sudździaŭ, prakurorskich rabotnikaŭ i inšych), akty, jakija praduhledžvajuć asablivaści dla takich katehoryj hramadzian, buduć skarektavanyja ŭ adpaviednaści z pałažeńniami nazvanaha ŭkaza», — paviedamiła pres-słužba prezidenta.
Kamientary