15 studzienia ŭ Kupałaŭskim teatry adbudziecca premjera śpiektakla «Pan Tadevuš» u pastanoŭcy režysiora Mikałaja Pinihina.
Heta budzie pieršaja sceničnaja viersija paemy Adama Mickieviča ŭ biełaruskim teatry. Dziejańnie ŭ tvory, pierakładzienaha Jazepam Siemiažonam, raźvivajecca na praciahu piaci dzion 1811 i adnaho dnia 1812 hoda. Apisanyja tam padziei adbyvajucca na bierahach Niomana napiaredadni prychoda Napaleona na našyja ziemli.
Pana Tadevuša syhraje Pavieł Charłančuk, Hrafa — Raman Padalaka, Telimienu — Julija Špileŭskaja i Śviatłana Anikiej, Zosiu - Marta Hołubieva i Kryścina Kazak.
* * *
Na pazaminułym tydni kvitki na śpiektakl pastupili ŭ prodaž u troch kasach teatra
(u padziemnym pierachodzie la HUMa, praz darohu ad Kupałaŭskaha teatra i na stancyi mietro «Instytut kultury»), jakija abjadnanyja ahulnuju sistemu. Na siervisach dla prodažu kvitkoŭ kvitki.by i ticketpro.by jany nie vystaŭlalisia (choć praz apošni sajt možna zamović miescy na inšyja studzieńskija śpiektakli).
Cana biletaŭ vahałasia ad 40 da 150 tysiač rubloŭ. Jak paviedamili ŭ kasie teatra,
usie 360 kvitkoŭ na premjerny pakaz 15 studzienia ŭžo pradadzienyja.
U kasach Kupałaŭskaha jašče niekalki kvitkoŭ na nastupnyja premjernyja dni. Naprykład, na 16 studzienia možna nabyć try miescy na krajnija miescy bałkona (1 miesca pieršaha šerahu, 1 i 2 miesca druhoha šerahu). Na 17 studzienia zastałosia 1 miesca ŭ druhim šerahu bałkona. Košt kožnaha kvitka składaje 40 tysiač rubloŭ.
Niama sumnievaŭ, što nieŭzabavie budzie raspradadzienaja i rešta kvitkoŭ.
-
U Homielskim dramatyčnym teatry — kadravyja čystki. Znoŭ praz «palityku»
-
«Budzie śmiešna i baluča»: «Kupałaŭcy» prezientujuć zaŭtra novy śpiektakl. U hałoŭnych rolach — Manajeŭ, Biełachvościk, Harcujeva
-
«Rašeńnie pryjšło zvonku». Što adbyvajecca ŭ viciebskim teatry, dzie ŭ śpiektakli prahučała «Žyvie Fłandryja!» i pačałasia čarada zvalnieńniaŭ?
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Kamientary