Prezident Uruhvaja Chase Muchika źjaviŭsia na cyrymoniju ŭstupleńnia na pasadu novaha ministra ekanomiki ŭ sandalach na bosuju nahu.
Vyhlad kiraŭnika dziaržavy vyklikaŭ aktyŭnaje abmierkavańnie ŭ sacyjalnych sietkach i miascovaj presie.
Muchika taksama nadzieŭ zvyčajnuju kašulu i zakataŭ štany. Uvahu fotareparcioraŭ taksama pryciahnuli doŭhija pažoŭkłyja paznohci na nahach 78-hadovaha kiraŭnika Uruhvaja.
Muchika nie staŭ tłumačyć, čamu jon vyrašyŭ apranucca takim čynam. Adnak žurnalisty El Comercio adznačajuć, što ŭ Uruhvai i susiednich krainach ustalavałasia vielmi haračaje nadvorje. Dniom pavietra moža prahravacca da 40 hradusaŭ Celsija.
Chase Muchika źjaŭlajecca prezidentam Uruhvaja z sakavika 2010 hoda.
Jaho nazyvajuć «samym biednym prezidentam u śviecie » z-za jaho ścipłaha ładu žyćcia. Amal 90% svajho zarobku Muchika achviaruje na dabračynnaść, a sam žyvie na pazastałyja 1200 dalaraŭ u miesiac. Jeździć prezident na svaim aŭtamabili Volkswagen Beetle 1987 vypusku.
Kamientary