Trochrazovy alimpijski čempijon pa skačkach z tramplina na łyžach aŭstryjec Tomas Morhienštern trapiŭ u balnicu paśla padzieńnia na treniroŭcy. Aŭstryjski spartoviec padčas skačka straciŭ raŭnavahu i pryziamliŭsia na śpinu.
U špital jaho dastavili z traŭmaj hałavy i paškodžańniem lohkaha. Paśla padzieńnia Morhienštern na niepraciahły čas straciŭ prytomnaść. Paviedamlajecca, što traŭmy Morhienštern nie pahražajuć jaho žyćciu. Inšych źviestak niama.
27- hadovy Morhienštern zvaliŭsia druhi raz za siezon. 15 śniežnia padčas spabornictvaŭ u Niamieččynie jon ździejśniŭ niaŭdały skačok i złamaŭ palec, adnak chutka adnaviŭsia i praciahnuŭ vystupy.
Tomas Morhienštern zavajavaŭ dva załatyja miedali ŭ skačkach z tramplina na Alimpijadzie ŭ Turynie ŭ 2006 hodzie (pa adnoj u indyvidualnym i kamandnych zalikach). Na hulniach u Vankuviery jon staŭ uładalnikam załatoha miedala ŭ kamandnym zaliku.
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»5
Kamientary