Adnoj z krynic finansavańnia ekanamičnych reformaŭ va Ukrainie mohuć stać hrošy z zamiežnych rachunkaŭ Viktara Janukoviča i jaho atačeńnia.
Pra heta zajaviŭ kiraŭnik MZS Polščy Radasłaŭ Sikorski ŭ efiry Polskaha radyjo. Jon paćvierdziŭ, što Polšča ličyć Janukoviča ŭžo byłym prezidentam.
«Tak, Polšča pryznaje krainu, a nie ŭrady. Janukovič zrabiŭ niešta niečuvanaje», — skazaŭ Sikorski.
Jon ździviŭsia pavodzinam Janukoviča, jaki faktyčna źbieh z Kijeva adrazu paśla padpisańnia antykryzisnaha pahadnieńnia.
Kamientujučy ekanamičnuju situacyju va Ukrainie, Sikorski padkreśliŭ nieabchodnaść baraćby z karupcyjaj i reformaŭ u krainie.
Na jaho dumku, adnoj z krynic padtrymki reformaŭ va Ukrainie pavinny być resursy pa zamarožvańni rachunkaŭ i aktyvaŭ Janukoviča i jaho atačeńnia za miežami Ukrainy.
«Heta vielizarnaja adkaznaść niekatorych krain Jeŭrapiejskaha Sajuza, my pierakonvajem na praciahu mnohich tydniaŭ, kab zrabić niešta z hetymi hrašyma, jakija, my ŭsie viedajem, zachoŭvajucca na zachodnich rachunkach», — zajaviŭ kiraŭnik Polskaha MZS.
Kamientary