Za zdarovy ład žyćcia j suprać alkahalizmu bieskampramisna ahituje niadaŭna stvorany sajt «Ćviarozaja Biełaruś». Ministerstva achovy zdaroŭja takim sajtam mahło b hanarycca.
Za zdarovy ład žyćcia j suprać alkahalizmu bieskampramisna ahituje niadaŭna stvorany sajt «Ćviarozaja Biełaruś». Ministerstva achovy zdaroŭja takim sajtam mahło b hanarycca.
Stvaralniki prajektu imknucca ŭsialak advadzić vypivoch ad zialonaha źmieja, a ŭ tych, chto da alkaholu pryachvocicca jašče nie paśpieŭ, — adbić usialakuju achvotu navat paspatać nia toje što harelicy, ale j piva navat.
Dziela hetaha jduć u chod usie srodki j metady: ad unušeńnia da zastrašeńnia. Pyšnaje j časam błytanaje słavasłoŭje susiedničaje ź lakaničnymi cytatami histaryčnych dziejačoŭ i niachitrymi zdymkami asablivaściaŭ źniešniaha vyhladu deklasavanych elementaŭ.
Sajt azdobleny radasnymi adcieńniami pamarančavaha soku i maje padkreślena askietyčny vyhlad.
Pryjemnaja niespadziavanka dla navastvoranaha prajektu — bahataje napaŭnieńnie šmatlikich rubryk z padrubrykami. Adno vyklikaje sumienvy, što hety hruntoŭny materyjał stvaralniki napisali całkam sami, a hiperspasyłak na antyalkaholnych staronkach niama.
Adsutnaść interaktyvu j navat standartnaha RSS‑ekspartu nie daje aptymizmu što da papularnaści j budučyni prajektu. Dychtoŭnaść i hruntoŭnaść — dobryja jakaści, ale chutčej dla kursavoj pracy. Dla sieciŭnaha prajektu, jaki da taho ž svajoj tematykaj pretenduje na aśvietnickuju misiju j masavaść, hetaha vidavočna zamała, kab dajści da metavaj aŭdytoryi.
Sajt aformleny pa‑biełarusku klasyčnym pravapisam i stvorany z udziełam salihorskich maładafrontaŭcaŭ i Biełaruskaha moładzievaha ruchu Ameryki. U biełnecie isnuje j padobny sajt pa‑rasiejsku. Takim čynam, antyalkaholnaj prapahandaj achoplenyja ŭsie moŭnyja katehoryi biełaruskich internaŭtaŭ.
Zvažajučy na kolkaść pieraličanych va ŭstupie «čornych dzirak biezduchoŭnaści», možna spadziavacca na čarhovyja prajekty aktyŭnych maładzionaŭ u aśvietnickim žanry.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku6
Kamientary