Arhanizatary Dnia Voli pakul nie vyznačylisia z dataj i miescam akcyi
Na nastupnym tydni płanujecca padać zajaŭku na praviadzieńnie šeścia i mitynhu z nahody Dnia Voli — čarhovaj hadaviny abviaščeńnia niezaležnaści Biełaruskaj Narodnaj Respubliki (25 sakavika 1918 hoda), paviedamiŭ staršynia Partyi BNF Alaksiej Janukievič.
Siońnia prajšło pasiadžeńnie arhkamiteta pa praviadzieńni akcyi, u jakim udzielničali pradstaŭniki Partyi BNF, ruchu «Za Svabodu», Abjadnanaj hramadzianskaj partyi, kampanii «Havary praŭdu», arhkamiteta pa stvareńni partyi «Biełaruskaja chryścijanskaja demakratyja», Biełaruskaj sacyjał-demakratyčnaj partyi (Hramada).
Pavodle słoŭ Janukieviča, pakul razhladajucca dva varyjanty praviadzieńnia akcyi — 23 sakavika (u niadzielu) i niepasredna ŭ Dzień Voli 25 sakavika (u aŭtorak).
Płanujecca, što miescam zboru ŭdzielnikaŭ budzie placoŭka kala prezidyuma Nacyjanalnaj akademii navuk.
Miescam praviadzieńnia mitynhu płanujecca płošča Jakuba Kołasa, chacia nie vyklučajecca, što pry razhladzie zajaŭki ŭ Minharvykankamie jano moža być źmieniena.
Janukievič paviedamiŭ, što asnoŭnymi łozunhami, pad jakimi projdzie akcyja, stanie zaklik da abarony ekanamičnaha i palityčnaha suvierenitetu Biełarusi, a taksama da jeŭrapiejskaj intehracyi krainy.
Płanujecca, što akcyja pačniecca vykanańniem himna «My vyjdziem ščylnymi radami», tekst jakoha arhkamitet prapanoŭvaje vyvučyć zahadzia.
Nastupnaje pasiadžeńnie arhkamiteta adbudziecca 3 sakavika.
Ciapier čytajuć
Amierykanski žurnalist Šuster raskazaŭ, jak jaho ŭhavorvali zrabić intervju z Łukašenkam. Navat prapanoŭvali hrošy6
Kamientary