«Bajsoł» vystavić na aŭkcyjon limitavanuju sieryju hadzińnikaŭ
Z 9 pa 14 žniŭnia fond «Bajsoł» arhanizuje rozyhryš, na jakim budzie pradstaŭleny ŭnikalny łot — limitavanaja madel hadzińnika, stvoranaja litoŭskim vytvorcam Vostok Europe admysłova da piacihodździa dziejnaści fondu. Kampanija aktyŭna padtrymlivaje Ukrainu i Volnuju Biełaruś.
Hadzińnik maje korpus dyjamietram 43 mm, vyrableny ź nieržaviejučaj stali čornaha koleru. Jon vodaniepranikalny da hłybini 200 mietraŭ (20 BAR), što dazvalaje vykarystoŭvać jaho navat dla prafiesijnaha dajvinhu. Unutry — nadziejny japonski miechana-kvarcavy miechanizm.
Usiaho vyrablena piać ekzemplaraŭ hetaj madeli, kožny ź jakich maje svoj indyvidualny numar (ad 01 da 05), vyhraviravany na viečcy.
Rozyhryš praviaduć na svaich staronkach viadomyja biełarusy i biełaruski dy fond «Bajsoł»: mastačka Volha Jakuboŭskaja (9 žniŭnia), aktor Alaksandr «Malavanyč» Ždanovič (10 žniŭnia); žurnalistka Volha Łojka (11 žniŭnia), biełarusy i biełaruski ZŠA (12 žniŭnia), fond «Bajsoł» (13 žniŭnia).
Usia sabranaja suma pojdzie na padtrymku kamandy fonda.
Kožny hadzińnik limitavanaj sieryi budzie vystaŭlacca asobnym łotam štodzień z 9 pa 13 žniŭnia. Rozyhryš dla ŭsich łotaŭ skončycca ŭ dzień naradžeńnia fonda «Bajsoł»— — 14 žniŭnia ŭ 23.34 pa minskim časie.
Staŭki na łoty buduć prymacca ŭ kamientarach pastoŭ i ŭ asabistyja paviedamleńni, pieramožca vyznačycca samaj vysokaj staŭkaj. Kolkaść stavak nie abmiežavanaja. Startavy košt łota EUR150. Krok staŭki 20 jeŭra.
Atrymać hadzińnik možna budzie asabista, albo pa pošcie, paśla danata praz sajt BYSOL.
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka7
Za zabojstva čałavieka ŭ IČU Barysava aryštavali dvuch zekaŭ-recydyvistaŭ i 26‑hadovaha milicyjaniera Klaščonka
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii2929
Kamientary