Siońnia byŭ zatrymany 30-hadovy minčanin, jaki zastreliŭ siabra dziacinstva, kab, pa jahonych słovach, «ačyścić ziamlu ad narkamanaŭ», paviedamili BiełTA ŭ Ministerstvie ŭnutranych spraŭ Biełarusi.
Heta adbyłosia paśla taho, jak supracoŭniki kryminalnaha vyšuku znajšli siońnia ŭ lasnym masivie trup mužčyny z ahniastrelnymi ranieńniami. U zabitym apapaznali žychara Słucka, jaki źnik bieź viestak i znachodziŭsia ŭ vyšuku z 20 lutaha.
Pa padazreńni ŭ zabojstvie zatrymali jaho siabra ź dziacinstva. Toj pryznaŭ, što 17 lutaha paprasiŭ achviaru dapamahčy pierahnać ź vioski ŭ Słuckim rajonie lehkavy aŭtamabil i potym, pryjechaŭšy ŭ les, zastreliŭ z abreza palaŭničaj strelby. Trup jon zakapaŭ u lasnoj darohaj.
Supracoŭnikam milicyi zabojca rastłumačyŭ: jamu prymroiłasia, što jon pavinien «ačyścić ziamlu ad narkamanaŭ». Apieratyŭniki majuć infarmacyju, što padazravany mieŭ namier ździejśnić anałahičnyja złačynstvy ŭ dačynieńni da jašče traich svaich znajomych.
Miarkujecca, što ŭ momant ździajśnieńnia złačynstva zabojca taksama znachodziŭsia ŭ stanie narkatyčnaha apjanieńnia.
Ciapier čytajuć
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj32
Kamientary