Vyjšaŭ dakumientalny film «Rok nazaŭždy-3» z udziełam Kulinkoviča i Michałka.
Režysior Siarhiej Isakaŭ i pradziuser Juryj Cybin (arhnanizatar i zasnavalnik lehiendarnaj «Rok-karanacyi») praciahvajuć sieryju dakumientalnych filmaŭ «Rok nazaŭždy». Treciaja sieryja atrymała nazvu «…ad voli da niavoli…» i pryśviečana muzykam, čyich pieśniaŭ vy nie pačujecie na aficyjnych tele- i radyjokanałach.
32-chvilinnaja stužka składajecca z pramovaŭ muzykaŭ i frahmientaŭ kancertnych zapisaŭ.
Pra što film? Adzin ź pieršych biełaruskich rokieraŭ Andrej Plasanaŭ raskazvaje jak prajšoŭ šlach ad muzyki da režysury i mastactva i viarnuŭsia ŭ muzyku.
Lidar «Niejra Dziubiela» Alaksandr Kulinkovič adkazvaje na pytańnie, jakoje šyroka abmiarkoŭvali jahonyja fany: čamu hałoŭny pank krainy staŭ kałumnistam «Sovietskoj Biełoruśsii»?
Źmicier Vajciuškievič raskazvaje pra svaju siadzibu na chutary Vajciuški i toje, čamu ličyć siabie ščaślivym čałaviekam.
Siarhiej Michałok razvažaje pra mahčymaje viartańnie «Lapisaŭ» u Biełaruś i zadajecca pytańniem: ci hatovaja kraina ŭsprymać jahonuju muzyku pa-za palityčnym kantekstam?
Manałoh kožnaha z muzykaŭ pierabivajecca ŭryŭkami ź ich tvorčaści. Časam muzyčny materyjał pačynaje «pieravažvać» pramovu svajho aŭtara. Ź inšaha boku, biełaruskaja muzyka nie moža pachvalicca pilnaj uvahaj kinošnikaŭ, i luby dakumientalny film pra jaje stanovicca padziejaj.
U kadr traplajuć i cikavyja momanty – chutar Vajciuškieviča, «Lapisy» pa-za scenaj, kala prydarožnaj kaviarni.
U vyniku «Rok nazaŭždy-3» heta
film, pryśviečany «čornym śpisam», jon raspaviadaje pra vybar muzykaŭ: isnavać pa-za miežami muzyki albo pa-za miežami krainy.
«Rok nazaŭždy-3» vyjdzie ŭ farmacie DVD, prezientacyja stužki adbudziecca pry kancy krasavika, kažuć aŭtary.
Čynoŭniki prahavarylisia, što ŭ Biełarusi zastałosia tolki 8,8 miljona čałaviek? Heta niapravilnaja vysnova8
Kamientary