Chto ŭ adkazie za čynoŭnikaŭ, jakija trapili za kraty?
Kali kiraŭnik dziaržavy daje čynoŭnikam ci dziaržsłužboŭcam pavyšeńnie, to adbyvajecca heta ŭ takoj pafasnaj atmaśfiery. Maŭlaŭ, pryznačajecca dobry kiraŭnik, vydatna viedaje spravu i hetak dalej. Prosta ŭražańnie składajecca, što bolšaha śpiecyjalista i znajści ciažka.
A jak toj ža Łukašenka zdymaje skandalnych čynoŭnikaŭ? Tady syplucca zusim inšyja słovy. Zhańbilisia, nie vykanali, nakrali… I kali heta čuješ z ekrana televizara, prasiakaješsia nianaviściu da takich słužak naroda. Atu, ich! Ale samaje prykraje, što Łukašenka nibyta i nie pry čym. Adkul ža jamu viedać, što robicca, skažam, u rajonie Ch, pakul śpiecsłužby nie pakažuć palčykam.
I ludzi vierać, što jon nie ŭsiudyisny. Niadaŭna razmaŭlaŭ z maładoj mamaj. Jana svaryłasia na svaich kryŭdzicielaŭ ź dziaržorhanaŭ (nie biez padstaŭ). I reziumavała: «A Łukašenka ž nie viedaje, što adbyvajecca na miescy». Niby heta nie jon sam stvaryŭ takuju sistemu viertykali. Kaniečnie, jon asabista nie prymaje na pracu ŭsich hetych čynoŭnikaŭ. Ale tyja, kaho prymaje, vybudoŭvajuć svaju sistemu — pa ŭzory toj, što bačać u krainie. I kali adnaho za adnym aryštoŭvajuć meraŭ i ich namieśnikaŭ, supracoŭnikaŭ finansavaj milicyi (!), namieśnika ministra ŭnutranych spraŭ (!!), namieśnika hienieralnaha prakurora (!!!), namieśnika kiraŭnika bujnoha dziaržkancerna, sudździu, na kaho tady kivać? Na kiraŭnika vobłaści, pry čyim udziele pryznačajuć rajonnaja kiraŭnictva, na staršyniu Kamiteta dziaržkantrolu, na ministra, hienprakurora?.. Ale ž i nad apošnimi jość svoj načalnik.
Kali faktyčna va ŭsich śfierach štohod adbyvajucca aryšty vysokich asobaŭ, źviazanyja z chabaram, pieravyšeńniem ułady i słužbovych paŭnamoctvaŭ, ci vypadkovaść heta? I toje, što tak šmat vyjaŭlajecca złodziejaŭ siarod dziarželity, heta nie stolki zasłuha śpiecsłužb, kolki niedahlad za imi. A chto kradzie, biare chabar, prosta nie pavažaje i navat nie baicca tych, chto nad im.
A paśla pry novych pryznačeńniach my znoŭ budziem čuć pra elitu, jakaja prychodzić kiravać dziaržavaj. Jakaja ž heta elita, kali jaje sadziać i ŭsio nie mohuć pierasadzić. Bandziuki.
-
«Usiu vyhadu ad hetaha zajmieje Maskva i Pucin». Paźniak daŭ acenku vizitu Cichanoŭskaj va Ukrainu
-
Jak buduć raźvivacca padziei, kali Maskva znoŭ, jak i ŭ 2022, pačnie nanosić udary pa Kijevie z terytoryi Biełarusi? Mahčymyja scenary
-
Kaleśnikava: Ja nikoli nie kažu pra vajennyja sankcyi. Ale isnuje spartyŭny trek, pamiežnyja pytańni, miedycyna — usio što zaŭhodna
Ciapier čytajuć
Jak rychtavaŭsia vizit Cichanoŭskaj u Kijeŭ i čamu jon niekalki razoŭ pieranosiŭsia12
Kamientary