Źnižeńnie Nacbankam staŭki refinansavańnia na 1 pracent vyklikana abjektyŭnymi pryčynami. Ab hetym paviedamiŭ siońnia žurnalistam pieršy namieśnik staršyni praŭleńnia Nacyjanalnaha banka Biełarusi Taras Nadolny.
«Siońnia jość mahčymaść pry zachavańni žorstkaści hrašova-kredytnaj palityki staŭku refinansavańnia źnizić, — adznačyŭ Taras Nadolny. — Isnujuć peŭnyja patrebnaści ŭ kredytavańni ekanomiki. Biezumoŭna, staŭki ŭ biełaruskim rubli nie toje, što žorstkija, ale dzieści zaharadžalnyja. Zychodziačy z taho, što ŭzrovień inflacyi idzie na źnižeńnie, mahčymaści dla źnižeńnia staŭki refinansavańnia na adzin pracentny punkt davoli abjektyŭnyja».
Źnižeńnie staŭki refinansavańnia Taras Nadolny ŭ tym liku arhumientavaŭ peŭnaj stabilizacyjaj na hrašovym rynku Biełarusi.
Jon taksama źviarnuŭ uvahu na toje, što zališnie vysokija pracentnyja staŭki sadziejničajuć farmiravańniu ŭ ludziej čakańniaŭ i źmianieńnie pracentnaj staŭki na depazitnym rynku pačynaje ich niepakoić.
Pastanova Nacbanka ab źnižeńni staŭki refinansavańnia napiaredadni aficyjna apublikavana na Nacyjanalnym pravavym internet-partale. Dakumient ustupaje ŭ siłu z 16 krasavika 2014 hoda.
Staŭka refinansavańnia ŭstanaŭlivajecca ŭ pamiery 22,5% (na hety čas jana składaje 23,5%).
Ciapier čytajuć
Jak rychtavaŭsia vizit Cichanoŭskaj u Kijeŭ i čamu jon niekalki razoŭ pieranosiŭsia12
Kamientary