Minskija hateli nie dali pamiaškańni pad kanfierencyju z udziełam Balcaroviča
U Minsku projdzie mižnarodnaja kanfierencyja z udziełam aŭtara polskich postkamunistyčnych reformaŭ Lešaka Balcaroviča.
Jana adbudziecca 17 krasavika ŭ ambasadzie Vialikabrytanii. Arhanizataram vystupiŭ ruch «Za Svabodu».
U kanfierencyi pad nazvaj «Prahrama pieraŭtvareńniaŭ dla Biełarusi: rehijanalny dośvied i vykliki» prymuć udzieł były vice-premjer i kiraŭnik nacyjanalnaha banka Polščy Lešak Balcarovič, były namieśnik ministra ekanomiki Estonii Eryk Terk, były ŭpaŭnavažany ŭrada Słavakii pa pytańniach uviadzieńnia jeŭra Ihar Borat, namieśnik kiraŭnika kamiteta pa biudžecie i finansach siejma Litvy Kiastucis Hłaviackas.
Taksama ŭ mierapryjemstvie buduć udzielničać biełaruskija daśledčyki Leanid Zaika, Aleh Manajeŭ, Siarhiej Čały, Alaksandr Čubryk, Stanisłaŭ Bahdankievič dy inšyja.
Arhanizatary sutyknulisia z admovaj u pamiaškańni. Usie hateli, jakija majuć kanfierenc-zały, u tym liku «Viktoryja», «Prezident-hatel», «Jeŭropa», Crowne Plaza śpiarša davali zhodu, a potym zajaŭlali, što pamiaškańni zaniatyja.
«Na rozdum dali paŭhadziny». Nastaŭnicy z Połacka daviałosia zvolnicca z-za tyktok-błoha2
Kamientary