Мінскія гатэлі не далі памяшканні пад канферэнцыю з удзелам Бальцаровіча
У Мінску пройдзе міжнародная канферэнцыя з удзелам аўтара польскіх посткамуністычных рэформаў Лешака Бальцаровіча.
Яна адбудзецца 17 красавіка ў амбасадзе Вялікабрытаніі. Арганізатарам выступіў рух «За Свабоду».
У канферэнцыі пад назвай «Праграма пераўтварэнняў для Беларусі: рэгіянальны досвед і выклікі» прымуць удзел былы віцэ-прэм'ер і кіраўнік нацыянальнага банка Польшчы Лешак Бальцаровіч, былы намеснік міністра эканомікі Эстоніі Эрык Тэрк, былы ўпаўнаважаны ўрада Славакіі па пытаннях увядзення еўра Ігар Борат, намеснік кіраўніка камітэта па бюджэце і фінансах сейма Літвы Кястуціс Главяцкас.
Таксама ў мерапрыемстве будуць удзельнічаць беларускія даследчыкі Леанід Заіка, Алег Манаеў, Сяргей Чалы, Аляксандр Чубрык, Станіслаў Багданкевіч ды іншыя.
Арганізатары сутыкнуліся з адмовай у памяшканні. Усе гатэлі, якія маюць канферэнц-залы, у тым ліку «Вікторыя», «Прэзідэнт-гатэль», «Еўропа», Crowne Plaza спярша давалі згоду, а потым заяўлялі, што памяшканні занятыя.
Цяпер чытаюць
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма2
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу1818
Каментары