Film Siarhieja Łaźnicy «Majdan» pakažuć na 67-m Kanskim kinafestyvali ŭ ramkach prahramy «Admysłovy pakaz», paviedamiŭ prahramny dyrektar Kanskaha festyvalu Ćjery Fremo.
«Film Łaźnicy, źniaty ŭ lutym-sakaviku ŭ Kijevie, budzie pakazany ŭ prahramie «Admysłovy pakaz», — zajaviŭ na pres-kanferencyi ŭ čaćvier, pryśviečanaj abviaščeńniu prahramy 67-ha Kanskaha festyvalu.
«Majdan» — dakumentalny film, źniaty režyseram Łaźnicam, biełarusam — pa naradžeńni, ŭ lutym-sakaviku 2014 hoda ŭ Kijevie padčas padziejaŭ na majdanie Niezaležnaści. Łaźnica raniej prymaŭ udzieł u konkursie Kanskaha festyvalu ź filmami «Ščaście majo » i «Ŭ tumanie» pavodle Vasila Bykava.
Raniej, raspaviadajučy pra svoj novy film u interviju Radyjo Svaboda, Łaźnica zajaviŭ:
Ja pajechaŭ adrazu ž paśla zakłotaŭ u śniežni, u mianie nie było nijakaha finansavańnia, ja prosta ŭziaŭ kameru, hukarežysera, my pajechali zdymać usio, što tam adbyvajecca. Ja pajechaŭ zdymać hety fenomen. Ja byŭ tam da katalickich Kaladaŭ i trapiŭ u ramantyčny peryjad Majdanu. Čakali ataki, było tryvožna, potym stała zrazumieła, što napadu nia budzie, i Majdan žyŭ svaim karnavalnym žyćciom.
Łaźnica byŭ zachopleny samaarhanizacyjaj Majdanu:
Majdan vałodaje strašnaj pryciahalnaj siłaj. Tudy chočacca viartacca, bo vy atrymlivajecie tam kalasalnuju enerhiju. Pryčym hetaja enerhija śvietłaja — voś što dziŭna. Nu a z estetyčnaha punktu hledžańnia, nijaki mastak-siurrealist nia zmoža prydumać takija dekaracyi! Heta taksama prajava kalektyŭnaha narodnaha nieśviadomaha, jakoje vypluchnułasia na vulicy. Znoŭ-taki, ja nie ŭjaŭlaju sabie ŭ Maskvie palityčny pratest, u jakim pytańnie charčavańnia pratestoŭcaŭ zajmała b takoje važnaje miesca. Na Majdanie kuchnia — heta centar cyvilizacyi. Heta ž samaarhanizacyja. Heta zrabili ludzi. Vychodzić čałaviek z mehafonam i kaža ŭ natoŭp: «Dziesiać čałaviek na kuchniu padydzicie, kali łaska, ciapier». Jamu doŭha paŭtarać nia treba, tut ža znachodziacca dziesiać čałaviek, jakija hatovyja pracavać. Voś heta dziŭna!
67-j Kanski kinafestyval projdzie z 14 pa 25 traŭnia. Jaho adkryje film «Hrejs z Manakaŭ» ź Nikol Kidman u hałoŭnaj roli.
«Na rozdum dali paŭhadziny». Nastaŭnicy z Połacka daviałosia zvolnicca z-za tyktok-błoha2
Kamientary