13-ty rajon: Cahlanyja asabniaki
Bajavik, kryminalnaja drama
Režysior: Kamil Dełamar
U rolach: Poł Uokier, David Bel, RZA (Robiert Dyhz) Hučy Boj, Katalina Denis, Aiša Isa, Karła Rota
Francyja, Kanada, 90 chv.
2018 hod, razhuł złačynnaści. Asabliva niebiaśpiečny rajon Detrojta abniesieny ścianoj, tam niama pastarunkaŭ i škoł, jon stanovicca apłotam złačyncaŭ i narkadyleraŭ.
Mer horada nie zadavoleny takim stanoviščam, jamu bačycca, što lepš źniščyć rajon razam ź jaho žycharami i pabudavać nanova. U toj ža čas detektyva pad prykryćciom Demijena zasyłajuć u 13-ty rajon z zadańniem znajci novuju niejtronnuju bombu, jakuju złamyśniki skrali i schavali tam. Dapamahać jamu vymušany Lino, jaki dobra viedaje hety rajon.
Rymejk francuzskaha filma «13-ty rajon» (2004) źjaŭlajecca pierazapuskam prajekta tymi ž stvaralnikami, siarod jakich aŭtar scenara i pradziusar Luk Bieson.
Dziejańnie pieraniesienaje z Paryža ŭ amierykanski Detrojt, a naparnikam suśvietnaha lidara parkur-ruchu Davida Bela (Lino), zorki papiarednich častak, staŭ Poł Uokier (Demijen). Hety akcior i kaskadzior-honščyk, viadomy pa ŭdziele ŭ šmatlikich «Farsažach», letaś zahinuŭ u aŭtamabilnaj avaryi, rol u hetym filmie była dla jaho apošniaj.
Ad aryhinała stužku najpierš adroźnivaje najaŭnaść brutalnych bojek, pierastrełak i honak na aŭto.
Vidać, hetymi abaviazkovymi atrybutami sučasnaha bajevika stvaralniki chacieli pryciahnuć masavaha hledača, ale razam z tym film amal zhubiŭ pryjemnuju asablivaść aryhinała: bolšaść bojek i vidoviščnych scen byli zasnavanyja na sprycie parkurščyka Bela i jaho byłoha naparnika, majstra pa ŭschodnich adzinaborstvach, kaskadziora Siryła Rafaeli.
Ciapier čytajuć
Ejsmant: Łukašenka nie zmoža palacieć na Samit miru ŭ ZŠA, bo pavietranaja prastora Jeŭropy dla jaho zakrytaja17
Kamientary