Chakieisty zbornaj Hiermanii vyrvali pieramohu ŭ kazachstancaŭ u sieryi paślamatčavych bulitaŭ na čempijanacie śvietu ŭ Minsku.
Na lodzie «Minsk-Areny» zbornyja Kazachstana i Hiermanii (hrupa V) sapierničali na roŭnych i daviali spravu da paślamatčavych bulitaŭ. Rachunak u hetaj hulni adkryli kazachstanskija chakieisty, kali na 11-j minucie vyznačyŭsia Andrej Haŭrylin. Paśla hetaha zbornaja Hiermanii pierachapiła inicyjatyvu, i niezadoŭha da pieršaha pierapynku Macijas Płachta adnaviŭ raŭnavahu – 1:1. U druhim pieryjadzie niamieckija chakieisty poŭnaściu vałodali inicyjatyvaj, ale ŭvasobić svaju pieravahu ŭ hały nie zmahli, tamu što vielmi dobra dziejničaŭ na apošnim rubiažy abarony hałkipier Vital Jeramiejeŭ. U zaklučnaj dvaccaciminutcy kazachstanski varatar pradaŭžaŭ vyručać svaju kamandu, toje ž samaje pradoŭžyłasia i ŭ aviertajmie, a voś u bulitnaj łatarei ŭdača była na baku chakieistaŭ Hiermanii.
Kazachstan — Hiermanija — 1:2, pa bulitach (1:1, 0:0, 0:0, 0:0, 0:1)
«Minsk-Arena». 12880 hledačoŭ.
Šajby: — 1:0 — Haŭrylin (Pališčuk, Dałmen, 10.08), 1:1 — Płachta (Ankiert, Drajzatl, 18.49), 1:2 — Opienchajmier (vyrašalny bulit).
Kidki: 20-46
Štraf: 20-4.
Chakieisty zbornaj Narviehii dabilisia pieršaj pieramohi na čempijanacie śvietu ŭ Minsku.
U hrupie A kamanda Narviehii, varoty jakoj cudoŭna abaraniaŭ hałkipier minskaha «Dynama» Łars Chaŭhien, vyjhrali ŭ italjancaŭ – 3:0. Skandynavy adkryli rachunak zakinutym šajbam na 6-j minucie hulni paśla dakładnaha papadańnia Nikłasa Roesta, a ŭ druhim pieryjadzie padvoili svaju pieravahu paśla kidka Martena Aska. U zaklučnaj treci pajadynku narviežcy taksama byli viernyja sabie i zakinuli jašče adnu šajbu – na 54-j minucie hoł zabiŭ Anders Baścijansen.
Italija – Narviehija — 0:3 (0:1, 0:1, 0:1)
«Čyžoŭka-Arena». 6000 hledačoŭ.
Šajby: 0:1 — Roest (Ścienie, 5.42), 0:2 — Ask (Older, Skreder, 31.19), 0:3 — Baścijansen (53.29).
Kidki: 15-26
Štraf: 4-6.
Ciapier čytajuć
Koŭł Łukašenku: Tabie treba być bolš aściarožnym, za stałom kiepskich pacanoŭ zastaŭsia adzin ty10
Kamientary