«Uciakačka z Adesy» i «z Kryma» kiravała kamisijaj na Łuhanščynie VIDEA
Sieparatystka Maryja Cypko, jakaja była zaŭvažanaja to ŭ Adesie padčas sieparatysckich mitynhaŭ, to ŭ Sievastopali, jak niaščasnaja adesitka, paciarpiełaja ad ułady, uznačalvała kamisiju pa praviadzieńni refierendumu na Łuhanščynie.
Adpaviednaje videa z adnoj z kamisij apublikavaŭ Uładzimir Jahoraŭ.
Tak na videa bačna, jak Cypko vyhaniaje žurnalistaŭ pa padliku hałasoŭ u toj čas, jak jany źviartajuć jaje ŭvahu na toje, što ŭ pakoi jość niepahašanyja i niezapoŭnienyja «biuleteni».
Pry hetym jana čamuści spasyłajecca jak na zakanadaŭstva Ukrainy, tak i Rasii.
Raniej Maryja była zaŭvažanaja ŭ Adesie padčas zboru srodkaŭ na sieparatyscki łahier, u tym liku na pałatki. ( Hladzicie z 10:35 )
Zatym jana była ŭ Krymie, dzie sa ślazami na vačach raspaviadała, što piensijaniery źbirali joj pa kapiejcy hrošy dla taho, kab jany dajechała da Sievastopala i paprasiła Rasieju ab dapamozie.
A jašče 4 traŭnia jana apynułasia ŭ Maskvie, dzie prasiła ab dapamozie adesitam. Raspaviadała, što vymušanaja žyć u Rasii i nazvała siabie uciakačkaj, bo «chunta abviaściła palavańnie na jaje dziaciej». Pry hetym jana dała rasijski numar telefona, jaki viedała na pamiać.
Ciapier čytajuć
Jakaja łohika sudoŭ za Hajun? Mužčyna, jakoha zatrymlivali pa hetaj spravie, apisaŭ ubačanaje23
Kamientary