Za čas śpiecyjalnaha mierapryjemstva «Filtr», jakoje prajšło 12 maja z 7.00 da 10.00 u Bresckaj vobłaści, supracoŭniki Dziaržaŭtainśpiekcyi zatrymali 17 niećviarozych vadzicielaŭ.
Jak paviedamiŭ načalnik adździaleńnia pa ahitacyi i prapahandzie DAI UUS Bresckaha abłvykankama Natalla Sacharčuk, bolš za ŭsio vadzicielaŭ transpartnych srodkaŭ u stanie apjanieńnia vyjaŭlena ŭ Stolinskim (troje) i Biarozaŭskim (dvoje) rajonach.
Aprača taho, na darohach vobłaści za try hadziny było zatrymana 19 aŭtamabilistaŭ, jakija pazbaŭleny abo nie majuć prava kiravać transpartnymi srodkami.
Usiaho padčas hetaha mierapryjemstva supracoŭnikami padraździaleńniaŭ DAI vyjaŭleny 328 parušeńniaŭ praviłaŭ darožnaha ruchu. U ich liku: nievykarystańnie ramianioŭ biaśpieki, parušeńnie praviłaŭ pieravozki pasažyraŭ, ekspłuatacyja aŭtamabilaŭ bieź dziaržaŭnaha techahladu.
U dačynieńni da ŭsich parušalnikaŭ składzieny administracyjnyja materyjały.
«Raniej my pravodzili «Filtr» paśla vychadnych i śviatočnych dzion na terytoryi adnaho rehijona, upieršyniu — adnačasova pa ŭsioj vobłaści, pryčym na darohach jak respublikanskaha, hetak i miascovaha značeńnia. I pryciahnuli maksimalnuju kolkaść supracoŭnikaŭ milicyi hramadskaj biaśpieki i inšych padraździaleńniaŭ adździełaŭ unutranych spraŭ, — dapoŭniła Sacharčuk. — Taki abłasny «Filtr» my majem namier pieryjadyčna pravodzić i ŭ dalejšym dla bolš žorstkaha kantrolu za vykanańniem vadzicielami praviłaŭ darožnaha ruchu i papiaredžańnia darožna-transpartnaha traŭmatyzmu».
U zahinułaj u Ślapiancy dziaŭčynie apaznali Janu Kastrankovu2
Kamientary