Premjer-ministram samaabvieščanaj Danieckaj narodnaj respubliki (DNR) abrany hramadzianin Rasii Alaksandr Baradaj. Rašeńnie było pryniata na treciaj siesii «Viarchoŭnaha savieta DNR» u piatnicu, 16 maja, paviedamlaje RBK-Ukraina.
Baradaj doŭha pracavaŭ pradstaŭnikom inviestycyjnaha fondu «Maršał kapitał» Kanstancina Małafiejeva. Pa słovach samoha Małafiejeva, Baradaj nikoli nie ličyŭsia ŭ štacie «Maršała», a tolki kansultavaŭ jaho. Baradaj taksama vałodaje kansałtynhavym ahienctvam «Sacyamajstar», u jakoha jość i inšyja klijenty.
Padčas kryzisu ŭ Krymie Baradaj pracavaŭ daradcam premjer-ministra respubliki Siarhieja Aksionava.
U siaredzinie krasavika hołas Baradaja apaznali na zapisie pierachopu pieramovaŭ pa sotavym telefonie kala Słavianska, apublikavanaj Słužbaj biaśpieki Ukrainy (SBU) 14 krasavika.
U pierachoplenaj ukrainskimi śpiecsłužbami razmovie rasiejec prosić złučyć jaho z čałaviekam pa mianušcy «Strałok». Dalej, pradstaŭlajučysia Alaksandram, jon abmiarkoŭvaje mahčymaść vysoŭvańnia vajennaj techniki z Łuhanska ŭ bok Słavianska.
Baradaj viadomy mienavita jak publicyst i kamientatar rezanansnych padziej.
U pryvatnaści, palitołah nieadnarazova vykazvaŭ svaju pazicyju na internet-resursach «DieńTV», «Kominform-TV», a taksama haziecie «Zavtra».
Pieršym vice-premjeram abrany adzin ź lideraŭ DNR Andrej Purhin, staršynioj «parłamienta» — Dzianis Pušylin, ministram abarony — kuratar bajevikoŭ na Danieččynie Ihar Hirkin (Strałkoŭ), ministram ekanamičnaha raźvićcia — Uładzimir Padhorny. «U svajoj ustupnaj pramovie Baradaj nazvaŭ siabie asabistym siabram Strałkova», - adznačaje RBK-Ukraina.
Ciapier čytajuć
«Ja jašče moh sumniavacca ŭ sabie. Ale kali Maša takoje zrabiła!» Nieviadomyja fakty pra Viktara Babaryku raskazała jaho advakatka Natalla Mackievič33
Kamientary