Moładzievy aktyvist z Homielu Źmicier Žaleźničenka staviŭ pad pahrozu svaju zamiežnuju pajezdku, kab damahčysia ŭ mienskim aeraporcie blankaŭ deklaracyi na biełaruskaj movie.

6 listapada Źmicier Žaleźničenka nakiroŭvaŭsia ŭ Brusel dla ŭdziełu ŭ moładzievaj kanferencyi. U mienskim aeraporcie‑2 na mytni aktyvist zapatrabavaŭ blanki deklaracyjaŭ na biełaruskaj movie. U supracoŭnikaŭ mytni takich nie apynułasia, tamu jany pačali spračacca z maładzionam pa zvyčajnaj schiemie: maŭlaŭ u Biełarusi dźvie dziaržaŭnyja movy i h.d. U čas, kali my razmaŭlali sa Źmitrom pa telefonie, jon paralelna davodziŭ mytnikam pryncypovaść svajho patrabavańnia.
Urešcie mytniki pahadzilisia «schadzić pašukać» deklaracyi na movie. I znajšli! Žaleźničenka, chacia i apošnim z pasažyraŭ, ale prajšoŭ rehistracyju.
Nahadajem, što biełaruskamoŭnyja blanki deklaracyjaŭ źjavilisia, dziakujučy homielcu Sieržuku Siamionavu. Jon zdoleŭ źviarnuć uvahu vyšejšych dziaržaŭnych instancyj na prablemu adsutnaści deklaracyjaŭ «na movie», pry hetym za svaju pryncypovaść jon prajšoŭ praz sudy i štrafy.
Kamientary