Havorka idzie pra 30-hadovy kantrakt na pastaŭku 38 młrd kubamietraŭ hazu ŭ hod.
«Hazprom» i CNPC padpisali kantrakt ab pastaŭkach hazu ŭ Kitaj, pieradaje «Prajm». Dakumient padpisany ŭ čas aficyjnaha vizitu Uładzimira Pucina ŭ Šanchaj u prysutnaści prezidenta Rasii i hłavy KNR Si Czińpina.
Havorka idzie pra 30-hadovy kantrakt na pastaŭku da 38 młrd kub.m. hazu ŭ hod, ab canie pastavak hazu pakul nie paviedamlajecca.
Jak raspaviadaje «Viedomostiam» adzin z udzielnikaŭ rasijskaj delehacyi ŭ Kitai, «heta było niaprosta. Pieramoŭnaja hrupa vycisnutaja jak limon. Čaša vahoŭ u bok padpisańnia realna schiliłasia tolki ŭ 12 pa Maskvie», adznačaje jon. Pavodle jaho słoŭ, havorka idzie pra «38 młrd kub. m. hazu ŭ hod «na płancy», termin kantraktu — 30 hadoŭ. «Heta bolš za tryljon kubamietraŭ sumarna», — kaža surazmoŭca «Viedomostiej».
Akcyi «Hazproma» paśla navin ab kantrakcie padaraželi na 1,84 % (na 13.51 msk), da 147 rub.
Pieramovy ab pastaŭkach rasiejskaha hazu ŭ Kitaj iduć z 2004 h. Pieršapačatkova abmiarkoŭvalisia dva maršruty — zachodni i ŭschodni — z ahulnym abjomam pastavak u 70 młrd kub. m. u hod. Ale ŭ sakaviku 2013 h. było vyrašana abmiežavacca tolki ŭschodnim maršrutam z abjomam da 38 młrd kub. m. u hod. Jon praduhledžvaje budaŭnictva hazapravoda «Siła Sibiry» ŭ stvoranych USCA ad Čajandzinskaha radovišča ŭ Jakucii da Uładzivastoka z advodami na Kitaj ŭ rajonie Błahavieščanska. Pastaŭki taksama płanujecca ažyćciaŭlać z Paŭdniova-Kirynskaha radovišča na šelfie Sachalina.
Kamientary