Гаворка ідзе пра 30-гадовы кантракт на пастаўку 38 млрд кубаметраў газу ў год.
«Газпром» і CNPC падпісалі кантракт аб пастаўках газу ў Кітай, перадае «Прайм». Дакумент падпісаны ў час афіцыйнага візіту Уладзіміра Пуціна ў Шанхай у прысутнасці прэзідэнта Расіі і главы КНР Сі Цзіньпіна.
Гаворка ідзе пра 30-гадовы кантракт на пастаўку да 38 млрд куб.м. газу ў год, аб цане паставак газу пакуль не паведамляецца.
Як распавядае «Ведомостям» адзін з удзельнікаў расійскай дэлегацыі ў Кітаі, «гэта было няпроста. Перамоўная група выціснутая як лімон. Чаша вагоў у бок падпісання рэальна схілілася толькі ў 12 па Маскве», адзначае ён. Паводле яго слоў, гаворка ідзе пра «38 млрд куб. м. газу ў год «на планцы», тэрмін кантракту — 30 гадоў. «Гэта больш за трыльён кубаметраў сумарна», — кажа суразмоўца «Ведомостей».
Акцыі «Газпрома» пасля навін аб кантракце падаражэлі на 1,84 % (на 13.51 мск), да 147 руб.
Перамовы аб пастаўках расейскага газу ў Кітай ідуць з 2004 г. Першапачаткова абмяркоўваліся два маршруты — заходні і ўсходні — з агульным аб'ёмам паставак у 70 млрд куб. м. у год. Але ў сакавіку 2013 г. было вырашана абмежавацца толькі ўсходнім маршрутам з аб'ёмам да 38 млрд куб. м. у год. Ён прадугледжвае будаўніцтва газаправода «Сіла Сібіры» ў створаных УСЦА ад Чаяндзінскага радовішча ў Якуціі да Уладзівастока з адводамі на Кітай ў раёне Благавешчанска. Пастаўкі таксама плануецца ажыццяўляць з Паўднёва-Кірынскага радовішча на шэльфе Сахаліна.
Цяпер чытаюць
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі3
Каментары