Padpisańnie 29 maja Alaksandram Łukašenkam ad imia Biełarusi dahavora ab stvareńni Jeŭrazijskaha ekanamičnaha sajuza (JEAES) stavić krainu ŭ jašče bolšuju zaležnaść ad Rasii. Pra heta havorycca ŭ zajavie arhkamiteta pa stvareńni partyi «Biełaruskaja chryścijanskaja demakratyja».
«Hetaje pahadnieńnie nie niasie ekanamičnaj vyhady Biełarusi, spryjaje stahnacyi biełaruskaj ekanomiki i supiarečyć patrebnaściam nacyjanalnaj biaśpieki dziaržavy. Zamiest dyviersifikacyi źniešnieekanamičnych i źniešniepalityčnych suviaziaŭ ułady jašče ščylniej pryviazvajuć Biełaruś da Rasii, robiačy jaje de-fakta prydatkam novaj Rasijskaj impieryi», — zajaŭlajuć u BCHD.
Arhkamitet pa stvareńni partyi patrabuje vychadu Biełarusi z hetaha dahavora, a taksama z Arhanizacyi Dahavora ab kalektyŭnaj biaśpiecy i inšych padobnych pahadnieńniaŭ i arhanizacyj.
Na dumku BCHD, padpisańniem takich dahavoraŭ ułady robiać «realnyja kroki da straty suvierenitetu Biełarusi i źniščeńnia niezaležnaści biełaruskaj dziaržavy».
Vylecieła ŭ nieviadomym kirunku śpikierka KR Anžalika Mielnikava26
Kamientary